الاثار الجانبية للابرة التفجيرية ………. لحياة صحية

هلا خواتي شخباركن

انا هالشهر خذيت كلوميد حبتين من ثاني يوم الدورة و يوم 13 الدورة راجعت الدكتورة و قالت لي عندج 3 بويضات 2 حجمهم 20 و وحدة 19و نص و عطتني ابرة تفجيرية pregnyl 10000
و عطتني ديفستون لمدة 14 يوم

المشكلة اني احس الم فالرحم و انتفاخ بطني و غازات و دوم ابا اسير الحمام و احس بالم عند التبول عزكم الله

فهل هاي من الابرة او شو بالضبط ؟ ياليت خواتي الي تعرف اتخبرني هل هالشيء طبيعي ولا اراجع الدكتورة ؟

و متى اقدر احلل ؟

جزاكن الله خير الله يسهل على حامل و يرزق كل محرومة الذرية بهالشهر يارب

و دعواكتن لي الله يسهل واحمل هالشهر

للرفع

اختي الالام طبيعيه انا بعد يوم خذت الابرة حسيت بويع فالمبايض
الحين اخذي الدوفستون لو صار حمل بيثبته ان شاء الله
ولو ما صار ما يضر ينظم الدورة انا الدكتور وليد عطاني تحاميل تثبيت قال لي تعتبر وايد احسن من الدوفستون واقوى لانه مفعولها على طول يوصل للرحم مب شرات الحبوب تنزل فالمعده واللامعاء ورحلة طويلة فنسبة بسيطة تفيد الرحم عالعموم هو يستخدمها لانه كل ادويته بروفيشونال مب مثل دكاترة النسا
اتريي موعد الدورة لو تأخرت عليج 4 ايام لسبوع سوي التحليل
والله يرزقج بالذرية الصالحة

انا جربت الابرة التفجيرية
واحب اطمنج ام كل اللي اتحسين فيه طبيعي
100%
الآلام اللي اتحسين فيه نتيجة البويضات النشيطة ولانها ماشاء الله كبيرة وحجمها زين
واتوقع انج بتحملين بإذن الله .. بس هالله هالله بالراحه التامة لانها فترة مهمة لتعشيش
البويضة وانغراسها بالرحم
لا تحاتين الابرة التفجيرية مالها اي آثار جانبية ..

مشكورة على الرفع غناتي

مشكورة غناتي على التوضيح يزاج الله خير
صح انا وايد سمعت عن الدكتور وليد ان شاطر وايد

الله يرزقج و يرزقني و يرزق كل محرومة الذرية الصالحة يارب يا كريم

مشكورة فديتج طمنتيني الله يسمع منج و احمل ادعلي يالغالية

و عسا الله يعطيج الي تتمنينه ان شاء الله