مساء الخير لكل الأمهات والطالبات والله يوفقجكم كلكم..
موضوعي اليوم اللي انا مستغربة منه تزكرون يوم كنا صغار نحصل على ما أعتقد 100 في مواد النشاط اما الحين فبما اني شادة حيلي مع ولدي في المواد الأساسية وياب درحات فوق الجيد جدا الحمدلله اندهشت ان الدرجة تحت ال 90 ليش شو بيطلعون ليوناردو بالفنية والا بيغنون لنانسي عجرم بالموسيقى والا ماردونا بالرياضة ..
ويوم اتصلت استفهم عن الموضوع قالوا لي ان عليها المواد امتحانات تحريرية وشفوية ليش وين احنا والله حرام اني وايد وايد انقهرت عقب تعبي وحتى اني صحت من بعد ما راح صوتي وانا اذاكر له ونقص الدرجات اتى من شي ما اتوقعته..بس الله كريم وين بيسيرون من عند الله..
والمصيبة اني كل ما اسير حكهم وادورهم مدرسات النشاط عشان اسألهم عن الدرجات ما أحصلهم بالمرة يمكن تبلعهم الأرض وانا ما ادري..
وكل مرة اسأل الادارة اذا انسويلهم ملفات انجاز وسي دي يقولون ما ندري وانتي حرة شو السالفة الله يعلم..
المهم اذا حد عرف ان لازم نعمل لهم شي خبروني وطرشولي اوكي والله الموفق دائما ويا الجميع حبابيبي..:22 (22):
بس انا عرفت السر
تدرين شووو
اذا كانت المعلمة في الصف تبغي ناس يطلعون المراكز الثلاثة الاولى تزيدهم في النشاط وتنقص الباجيين علشان اللي تبغيهم هم اللي يطلعون
لأن مرة صارت لاختي بنتها كانت خلاص بتطلع الاولى وفرقت عن اللي طلعت الاولى درجتين في النشاط ولما رحنا سالنا معلمات النشاط وحدة منهم خبرتناى ان معلمة التاسيسي طلبت منها تزيد هذيج درجاتها
انا من يوم مادخل ولدي اول ولليوم صار بصف ثالث وانا اعاني
المشكله درجاته 99
98 والنشاط 90 والله قهر بعد تعبنا وياهم ينزلوهم حتى غيرهم يطلع الاول
انا اول كنت اننقهر بس الحين قلت مادام درجاته زينه مايهمني الترتيب
الاول او الثاني المهم درجاته
وبعدين يوم سالت بالمدرسه اخر مره قالت لي رائدة الفصل والله يمكن جاهم قرار
مايعطو اكثر من 90 خافي ربج ولد عمه عاطينه 95 بالنشاط مع انه درجاته بالمواد الثانيه تعبانه
يالله الله كريم
ولاتنقهري اختي ولا شي المهم درجاته ممتازه بالمواد الاساسيه