في نقاش بغيت أفتحه…
هوه: إذا كان عندج …بيبي رضيع ولا أقل من سنتين
لما ترجعين من الدوام …هل تخلينه مع الشغالة فترة الظهر وتروحين ترقدين
وكيف متفقه مع الشغالة …متى ترتاح إذا ما رقدت الظهر ويلست ويا ولدج؟؟
ولا تاخذينه وتيلسين وياه …أنزين أنتي متى ترتاحين
يلا خلونا نستفيد
وعليكم السلام ورحمة الله وبركاته
شوفي حبيبتي
دور الشغالة ينتهي بمجرد وصول الأم
خذي ولدج عن الشغالة وقعدي وياه .. وهيه خليها تروح ترقد او تكمل شغلها
لو كنت تعبانه وتبين تنامين كل يوم ظهر .. اتفقي معاها انها توعي الياهل في الموعد الفلاني عسب يرقد وياج الظهر
لا تقولين انا تعبانه وأبا ارقد وبخليه عند الشغاله
ترى الشغالة بعد ناشه من الصبح وتعبانه ^_^
لا تتركين الياهل عندها لانه جيه بيتعلق فيها أكثر .. وبحبها أكثر عنج وبفضلها عليج في كل شي
يعنى: يبيها هيه تأكله وما بيتقبل منج هالشي
يبيها هي اللي تشله وتلاعبه .. لو ييتي تشلينه يمكن يسكت ويمكن يصيح يباها
وهالشي أكيد بيضايقج
واذا الظهر ما رقدت .. فبرقد مع الياهل بوقت
الصبح هو بينش بوقت وبيرقد معاج الظهر
صدقيني انتي رتبي الامور .. وبتترتب ^_^
انا ما عندي تجربه بعدني ما اعرف شو بسوي عقب ما اربي
أصعب شي عالأم إنها تخلي ولدها عند المربية وتسير الدوام
ومثل ما قالت الأخت مجرد توصلين البيت ينتهي دور المربية ويبدأ دور الأم
نظمي مواعيد رقاده على أساس أول ما توصلين يرقد وياج
ويوم تنشين جابلي البيبي ولعبي وياه وغيريله وأكليه لين موعد رقاده فالليل
(هذا اللي أنا أسويه)
انا بصراحة لما كنت حامل كنت اسوي شي بس الحين مستحيل
هذيلا عيالي و هم مالهم ذنب اني اخليهم و اسير شغلي و بعد اريد ارتاح يوم ارد من دوامي
انا احطهم حذالي و اريح بس ما انام و أأجل الغدا للعصر عشان ما اكسل