الأكل الصحي في شهر الغفران من مطبخي

كيفكم أخواتي أكيد بديتو التجهير لشهر الغفران و حبيت أضيف معلومات بسيطة في موضوع الأكل في هذا الشهر الكريم و هذا الشهر لا بد نحس فيه بمعنات الفقير الي طول السنة بياكل أكل بسيط و لكنه صحي خلونا احنا كمان في هاذا الشهر ناكل صحي نبتعد عن الدهنيات و السكريات و المعلبات قدر ما أمكن فبدل مانحط سمنة بنحط زيت زيتون أو زيت ذرة و بدل الميونيز المشبعة بالدهون و خصوصا الميونيز تبع العلب و مع المواد الحافضة نستعمل الزبادي و ممكن نعمل ميونيز بالبيت و هي مافيها الا مواد طبيعية بس مشان نخففها نخلط معها زبادي وطريقتها كثير سهلة و بالنسبة للكيرم كراميل خلينا نعملو طبيعي بدل الكريم كراميل تبع العلب و نبعد عن كل الأشياء الاصطناعية والي مابنعرف شو بيحطون فيها و الماجي ممكن نستعين بشوربة اللحم و الدجاج و نكون حاطين فيه كل النكهات الطبيعية و بالنسبة للمكسرات و خصوصا المكسرات المحمصة وهي مشبعة دهون و ملح ممكن نستبدلها بمكسرات نية أو بالأحرى مو محمصة مثلا الجوز و هو كثير مفيد و بينزل الكلسترول و اللوز و ننقعه في ماء الورد و بيكون أفيد و المشمش المجففة و ينقع كمان بماء الورد و القطين و الزبيب و بنفس الطريقة و المقالي بدل ما نقلي السمبوسة ندهنها بشوية زيت و نحطها بالفرن
ونخفف من الأكل و خصوصا أن معظم الأكل بيكون بالليل فمن الأحسن نختصر على صحن الشربة و التمر و العصير الطبيعي و معجنات بس نوع واحد باليوم و ناخد استراحة نشرب شاي أخضر أو أي شيء بتحبونه سخن مشان المعدة تتعود على الأكل بعد طول نهار صيام و بعد ساعة يكون العشا و نحاول ناكل الخضر بكل أنواعها و اللحم أو الدجاج أو السمك ما نخلطهم مع بعض لأنهم كثير مضرين و السلطات و الحلو نوع واحد بيكفي و ممكن نستبدلو مراة بالفواكه (سلطة فواكه) و نكثر من شرب الماء لنعوض الجسم الكمية الي محتاجها طول اليوم و نبعد كل البعد على المعلبات و المشروبات الغازية وهكدا بنكون أكلنا أكل صحي هيك بنقدر نصلي و احنا خفيفات مو ناكل لا نصير مو قادرين نتحرك من مقعدنا و بعد صلات العشاء و التراويح مو غلط نتمشى و لو نصف ساعة كل يوم و اسمحولي اذا طولة عليكم أخواتي و الله يبلغنا رمضان