اكل للطفل الرضيع سياحة الامارات

السلام عليكم
اخواتي لو سمحتوا بنتي عمرها 6 اشهور
وما شو اكلها على الغداء؟ العشاء؟
الريوق اعطيها بسكوت
بلييييييييييييييييز ساعدوني
شو ممكن اعطيها على الغداء والعشاء مع الطريقة

ويزاكم الله خير

شوفي..
اهرسي لها خضرة : حطي ماي في القدر شوي بس و قطعي كوسى مع جزر و بطاطا (خلي البطاطا اقل شي لانه يسبب الامساك) وخلي الخضرة تفور فالقدر لين ما يخف الماي و يستوي قليل جدا…بعدين طلعي الخضرة (مع الماي الباقي,لان فوايد الخضرة اتروح فالماي) واهرسيها بالشوكة…

ممكن تفورين كوسى مع العيش (الارز) و تهرسينهم مع بعض…

ممكن جزر و عيش

عندج الشوفان بعد يعني تسوين شوربة خضار و فيها شوفان يعطيها كثافة…

ممكن تسوين عيش ابيض و تهرسينه مع روب (وايد حلو للعشا) يقولون الروب يهدي الياهل ويريحه….

لا تنسين الفواكه ..حلو فترة العصر…تهرسين الكمثرى مع الموز.. او كمثرى و تفاح و تعصرين عليهم برتقال شوي…

خذيلج الهراسة من الجمعيات ..اتريحج من الهرس و تهرسين الاكل بسرعة…