اقتراحاتكم لباب الصالة والباب الرئيسي لعروسة الامارات

السلام عليكم ورحمة الله وبركاته
أنا أبني بيت وموصلين ألحين عند مرحلة البيبان الرئيسية يعني الباب الرئيسي وباب الصالة والميلس، بغيت آخذ رايكم واقتراحاتكم..
كنت مفكرة أسوي باب الصاله خشب مع رسم على الزجاج بس محد شجعني يقولون أن الباب الخشب يتغير لونه ويخترب والزجاج يخلي الباب ثجيل. فما أدري شو رايكم وإذا تعرفون أماكن زينة يا ريت تقولولي..

بالعكس أختي الزجاج يعكس الضوء الخارجي وينور الصالة اذا كان ثقيل خليه مثلا نص الباب زجاج وبالنسبة للخشب فعلا يتأثر بعوامل الطقس ليش ما تسوينه بى في سي وادخلين فيه زجاج ويكون لونه نفس لون الخشب شوفي شركة تامكو للبي في سي شغلهم حلو ونظيف.

للرفع

اختى فيه ابواب حديد وزجاج
وفيه خشب كامل
وفيه المونيوم ديزاين خشب وهو الافضل وما تفرقينه عن الخشب
بس انتى دورى الشركة الافضل
لان من واقع تجربتى الحديد والزجاج ثقيل وصعب التنظيف وفوق هذا يدخل غبار وحراره

الالمونيوم اذا كانت مواصفاته حلوة حتى الصوت يعزله والشكل اجمل واحلى

اما الخشب ما انصحج فيه خاصه جو الامارات ممكن تكون رطوبه وحر فما راح يدوم عندج

الاختيار الاخير افضل عن تجربه

للرفع

up up up

شكراً حبيباتي بس ما قلتولي ادخل رسم على الزجاج ولا أخليه ساده؟؟