صباحكم ومساكم هنا وسعادة
عساكم بخير يا حلوات
انا واعوذ بالله من قولة انا عندي مناسبة زوجية وابا افكاركم النيرة تضيئ موضوعي وتنوره
همتكم يا صبايا بيضوا لي وجهي
و الله انا بعد عندي مناسبة سعيدة 10 الشهر
من كم يوم و افكر ايش اسوي شي مميز, لحد الحين بس قررت اش اسويله على العشا ,طبعا عشا رومانسي
و الكيكة من شغل ايديه بعد, اشتريت فستان يديد حق المناسبة و لسة محتارة باهم شغلة و هي الهدية ما قدرت اقرر بعد تعرفين الاشياء الي ممكن تشترينها حق الريال قليلة و ماشاالله كل شي متوفر بس ادور شي مميز اكيد بس ألاقيه بخبرك
يعني الكيكة والعشى كلها صارت امور تقليدية ويتوقعها ريلج
الريايل عمليين واقل رومانسية من الحريم
لا تسويين اي شي سويته من قبل ،، مممم مثلا حجزي يخت في دبي لمدة 4 ساعات واختاري الوقت المناسب ومب شرط يوم نفس يوم ميلاده
و ترومين تقوليلهم ممكن يوم يدخل زوجي كلكم تطلعون براا له و تستقبلونه " تحسسينه انه ملك P: "
و تطلبين من مطبخ الفندق يسوييلج كيكه و يكتب اللي تبينه فيهاا
ممكن بعد تعدلين سيارته ,, مثلا تبدلين كفرات السيتات و ترتبين السياره من داخل تخلينها كانها يديده ..
مثلا يكون راقد الصبح اطرشين السياره مع الدريول و تكونين مجهزه كل شي من قبل و يعدلونها و يردونهاا ..
اهتمي اكثر شي بالشموع ولبسج
حبايبي الله يسعد هالصباح يارب
وتسلم الايادي يارب ويعطيكم العافيه انا مالي غير سنتين متزوجه ولسه ما استنفذت افكار مع زوجي السنة الي فاتت عملت ممر بالشموع والورد ومليت الغرفة الي فيها الكيكة بالبالونات وكمان الشموع وكان صوت الميوزيك عالي والنور مطفي ، الي قبلها كنت عروس ومسويه مستحيه بس كيكه واغنية
طلعه من البيت صعبه زوجي بيتوتي مووت وكمان فيه" انسه بيسان (ست شهور)
" يعني مع الاوتيل يطلعوا من الاخر 
حبايبي مشكورين ولا توقفوا الي تيجي ببالها فكرة ياريت تنورني بها
اشوفكم على خير يا حلوين 