افضل طريقة لانزال الجنين الميت لسلامتك

السلام عليكم
بنات مثل ماخبرتكم قبل باني فحصت امس وسرت عند اكثر من دكتورة وقالواالجنين مافيه نبض

بما انهم قالوا لي اني فالشهر الثالث
ابا انزل الجنين طبيعي بدون عملية تنظيف
لان قالوا لي مب زينه وترقق جدار الرحم
بشو تنصحوني ابا من تجاربكم الله يجزيكم الف خير
لاني ابا اتخلص منه باسرع وقت مااباه يطول فبطني لانه مب زين
بلييييز

مشكورة الغالية
والله يرزق كل محرومة بالذرية الصالحه يارب
همتكم يا حريم اتريا وصفات مجربة ومضمونه

الله يعوض عليج وعلى وعلى الصابرات بالذرية الصالحة المعافاة من كل شر عليج بالجرفة والحبة الحمرا يمدحونهم

الله يعوضج خير ان شا الله
انا عن نفسي كنت حامل في نفس شهرج تقريبا كان الجنين 13 أو 14 اسبوع كان حي و مات في بطني
و انا من طبعي ماحب اسير المستشفبات وايد خص عيادة النسائيه ماحب
جان اتم اقر و ادور فالنت عن طرق ولقيت وايد بس اللي انا استخدمتهن هن اني ايلست اشرب جرفه و بابونج شربي البابونج كل شوي و عقب الحمد الله طاح بس تعبت وايد لن المشمه ما نزلت و عقب شربت كف مريم بس ماظني انه هوه صدق لنه مستوي فبيت امي نحن نسميه الشريش و عقب الحمد الله طاحت بس تراه مرررر
الشريش ماقريت عنه بس هنيه عندنا يعطونه الناقه يوم ما يطيح ثقلها عشان جيه جربت
اتمنى انج فهمي لي

مشكورات خواتي
انا عمتي ام ريلي سوت لي الحبة الحمرا ويا زنجبيل وفلفل اسود وجرفة
تقول وايد زين وبينظف رحمج
ان شاالله تنفعني وارتاح لاني وايد احاااتي

انا استوا لى نفسج وفى الشهر الثالث
وشربت الحبه الحمرا مع عسل ووايد زين
وتعرفين الليمون اليابس مال الصالونه
اقسميه نصين وحطيه فى كوب ماى حوالى عشر حبات ليمون وخليه فى النار يغلى
عقب مايبرد اشربيه والله انا تميت كل شوى مره اشرب هالليمون ومره الحبه الحمرا مع العسل
وقعد امشى وانط بالحبل هع متفيجه صح
الحمدالله ثانى يوم طاح عنى وان شاءالله ربج بيزقنا الذريه الصالحه ويزرق كل محروومه