اشتري اغراضج المنزليه وباسعار ارخص !!!!!! شغل يدوي

اولا مبروك عليكن الشهر الفضيل…

ثانيا اعرضلكن تجربتي في بعض مشتريات اغراض البيت.

طبعا الاسعار نار والاستهلاك يزيد وخاصه لاغراض البيت. الشراء بالجمله وايد مفيد واقتصادي لكل بيت حتي للعايله الصغيره وبالذات للاغراض اللي مالها تاريخ صلاحيه مثل الكلينكس البيت والحمام واكياس الزباله . وهذا هو موضوعي.

وحده من الاهل اشوفها تشتري هذي الاغراض بكميات واخيرا خبرتني باسم المحل وبالصدفه عرفت انه حتي الصالونات تشتري منه .

ندخل في الموضوع اسم المحل الحطاب لمواد البلاستيكيه وموقعه في ابوظبي بجانب السفاره الروسيه.

من تجربتي اشتريت منه كلينكس البيت واسم الماركه نجاح ب 60درهم والحين رفع سعره ل70درهم. الكرتون فيه ثلاثين حبه.

[IMG][/IMG]

شفت عنده كرتون كلينكس الحمام وفيه مئه رول ب 50درهم ومن النوعيه الخفيفه. انا ما يازلي بس غيري يمكن.

[IMG][/IMG]

اكياس الزباله عنده ثلاث مقاسات والسعر ل ثلاثمئه كيس ب 80درهم بس رفع سعره ل 120درهم. وممكن تاخذين نص الكرتون .

[IMG][/IMG]

شفت عنده صحون السفري والمطاعم تاخذ من عنده . ممكن تستخدمينه للتوزيع على الجيران او اي شي.

[IMG][/IMG]

وعنده المكاين اللي اتحطين فيهن الكلينكس

[IMG][/IMG]

واكياس بلاستيك من كل الاحجام مثل اكياس الدكان الزرق واكياس بتدرجات البني.

[IMG][/IMG]

المحل وايد صغير ولفيت لين حصلته موقعه شوي يضيع.

طبعا للي بيسألن عن الرقم الافضل انكن تتصلن على الاستعلامات والريال الي في المحل بيخبركن عن مكان موقعه.( طبعا أسهل عليكن السالفه )

اتمني اني فدتكن ولو بشي بسيط وارفعوا الموضوع عشان الكل يستفيد.

ودعوه حلوه بظهر الغيب لاختكن بان الله يحققلي اللي في بالي.