هلا بكم خواتي … هذي أول مشاركة لي فالمدونة وأنا حابه أساعد البنات اللي
أعراسهم جريبه وهب عارفين وين يحجزون …
اللي تريد تحجز في المركز التجاري وتبا تستفسر عن الأسعار والقاعات أنا حاضرة إن شا الله أقدر أساعدها… وعندي قائمة الطعام مع الأسعار..
واللي تريد تحجز في قرية البوم قاعة لطيفة وراشد عندي معلومات عن الأسعار والحجوزات..
واللي تريد تلحق لأنه عندهم عرووووووض وبتنتهي خلال هالشهر..
طبعا هذا كله لأني مثلكم كنت متخبله هب عارفه وين أحجز لعرسي فلما حصلت معلومات قلت أساعد بنات المدونة ….
وبالتوفييييييييق للجميع …
ودعواتكم لي بأنه ربي يتمم عرسي ع خير..
أنا بانتظاااااااااااااااركم …
ماشاء الله عليج, اغبطج على حبج لمساعدة خواتنا العرايس
بارك المولى مجهودج
أنا عرسي كان في الملتقى في المركز التجاري تعجبني القاعة وايد والخدمة ممتازه
الله يتمم عرسج على خير ويكون مثل ماتتمنين وأحلى
صح كلامج الملتقى قاعة مميزه بس ما تكفي لمعازيمنا …
لأنه ل 550 شخص أو 600 ونحن معازيمنا 900 شخص…
ياااااااارب أحصل قااااعة كلهم محجوزين فنهاية الاسبوع بشهر 5…..
وبالبركة عليج وربي يسعدج دنيا وآخره..
:
:
خيتوو نحن حجزنه من كم شهر تقريبا في قرية البوم
رايج لو كلمناهم بتشملنه العروض ولا خلاص راحت علينه؟؟
وخبرينه كيف عروضهم؟!
وسلموو مقدما ^^
فديتج أنا اليوم رمسيتهم قالولي عنا عروض خلال هالشهر ع ما أظن لأنهم كملوا 25 سنة …
أنا كلمتهم بخصوص قاعة راشد ولطيفة أنا أريدهم مع بعض يعني يكونون مفتوحين ع بعض …
قالولي عن المينيو..إذا بتطلبين للشخص 300 درهم و المعازيم800 قالولي سعره 240000 بس بعد الخصم ..
بصير 180000
طبعا اتفاجأنا بسعره وااااااايد رخيص …
وأنا إن شا الله باخذ المينيو اللي للشخص 470 درهم وبيصير للمعازين اللي عددهم 800 قبل الخصم: 376000
وسعره بعد الخصم.. 282000
الصرااااااااحة السعر وااااااايد حلو والمينيو اللي اخترته في كل شي … مينيو الشيوخ مثل ما قالولي ..
والعرض عنهم بينتهي فنهاية شهر 12….
الخصم هو 25% على كل المينيو الموجود عندهم …
أتمنى إني أفدتج بس إذا بيسوولج الخصم على إنج حجزتي!! والله ما أدري اسأليهم والاخت المسؤلة أم طلال بتساعدج حرمة حبوبه وطيبة ..
لا هنتي ..