شحالكم عساكم بخير . . ~
خواتي بغيت استفسر عن كذا شغله
بالنسبه للتسجيل . .
انا سجلت ف جامعه الامارات عن طريق موقع القبول و التسجيل ( napo ) ~ بس ما اعرف كيف اكمل اجراءات التسجيل *
شو الاوراق المطلوبه ؟؟
و هل في امتحانات تحديد مستوى و الا لا ؟
امممم ، سجلت ف كليه الهندسه و نسبتي الحمدلله ف التسعين ~ بس ما قدمت امتحان ايلتس !
هل بيأثر ع قبولي فالكليه ؟
و السموحه طولت عليكم .. =)
انشالله يفيدونج البنات ومايقصرن ^ ^
=}
اما عن الامتحانات تحديد المستوي هيه فيه امتحانات فبل الدوامات باسبوووع اما ايلتس عادي تاخذينها عقب
يعني يوم تخلصين مستوي ثالث في الانجليزي لازم الايلتس ^^ والله يوفقج يا الغاليه
انا اللي اعرف لازم اطرشين لهم صوره من الجواز والشهاده وتكون مصدقه من الوزاره
واهم شي الفحص الطبي
وع ما اعتقد 6 صور شخصية
واطرشينه عن طريق البريد
شوفي انا انصحج ان تااخذين الايلس الحين بهذي الاجازه و حاااولي اتيبين 5 او 5,5 لان ع ما اعتقد الهندسه يبون 5
والله احسن لج عسب تفتكين من لفلات الانكليزي
وهذي نصيحتي لج
واي شي تبين انا حااضره
ألف مبرووك ع النجآح و النسبة الحلوة غاليتي ..
بالتوفيق لــج ..
بالنسبة للتسجيل على ايامنا طرشنا على البريد مال الجامعه ما اذكر رقمه بس الاحسن اتصلي لهم قولي لهم ابغي رقم القبول والتسجيل وخبريهم كيف الاجراءات لانه اعتقد لين آخر الشهر عقب يقبلون عقب ما بيقبلونج بتدخلين الكورس الثاني مب حلوه احسن ادخلي كورس اول, وهم يوم بيقبلونج بيطرشون لج انه قبلوج على البريد , وبالنسبه للآيلتس احسن لج تاخذينها ف فتره الصيف وإذا انتي ناويه إن شاء الله على كلية الهندسه اعتقد لازم 5 وفوق
ادري ما قرررقرت ف الكلام والسموحه منج و أي شي تبين تعرفين عن الجامعه طرشي لي على الخاص ولا تستحين