اسبوع العسل لذوي الاحتياجات

السلام عليكم … بناااااات شحالكم ؟؟

ابا مساعدتكم وشدوا حيلكم معايه … بدعيلكم من قلبي ..

انا بحط اسماء الدول اللي ابا اروحلها ويا ريلي من عرسنا ماسافرنا مكان .. وابا اسير اماكن حق فيها طبيعه وحلوووة في نفس الوقت حق الاسترخاء والوناسه … ما ابا اسير اسواق لاني ما ابا اشتري ابا استانس ويا ريلي ..

انا بحط الاماكن اللي في بالنا وانتوا قولولي واللي تعرف مكااان بليز وما عليها امارة ابا اعرف بالتفصيل ..

لندن او ميونخ او كوالالمبور او تايلاند او فيينا او باريس او جولد كوست او سنغافورة او ميلان او بيروت …

ساعدوني ..

يزاكم الله الف خير ..

واللي تدخل ترفع موضوعي وبدعيلها ..

روحي فينا او باريس ..

شكرا حبيبتي .. يزاج الله خير بس وين في فيينا ؟؟؟

ان شاء تروحون و تستانسون و تردون بالسلامة
أختي باريس حلوه بالمره تسيرين دزني لاند و تلعبين انتي و ريلج وفيها بعد متحف اللوفر و برج ايفيل وأكيد فيها معالم سياحية أكثر بتعجبكم ان شاء الله
و سمعت وحده من ربيعاتي تقول ايطاليا تجنن و خاصة البندقية حلوه حق ايام العسل

حبيبتي مشكورة يزاج الله الف خير

لندن او ميونخ او كوالالمبور او تايلاند او فيينا او باريس او جولد كوست او سنغافورة او ميلان او بيروت …

انتي ما تبين سوق .. تبين طبيعه …عيل تحطين X على لندن و ميونخ و فيينا و باريس و سنغفورة و ميلان و بيروت ..

شو بقى .؟؟؟ تايلاند و غولد كوست .. بس اشوف الدولتين بعاد وايد على اسبوع .. حرام يومين بيروحون في الدرب (ذهابا و ايابا )

فبنرد للخيارات السابقه الي سوينا عليهم اكس ..

و هي فيينا .. و طبعا فيينا مدينة ما فيها طبيعه … فاقتراحي تسيرين سالزبورغ .. ساعتين و نص بالقطار من فيينا ……

و اقتراحي الثاني تسيرين لندن و منها لمانشستر او سكوتلاند بعد بالقطار .. ريفهم رووعه …