عندي سؤال
منو فيكم اذا حفت سواء بالحلاوه او الماكينه من الجذور او بالموس
النتيجه تكون نفس الشي والنتيجه وحده ( طبعا الموس بيطلع اسرع ) بس الشكل النهائي متشابه ؟؟؟
انا احس بشرتي غريبه
تخيلو اني يوم اشل بالحلاوه ولا جني شاله بالحلاوه
بعضهم يوم يشوفون ايدي يقولون انتي شاله بموس ؟ 
انقهررر و احس تعبت ع الفاضي .. والمصيبه انه الحلاوه تطلع لي احيانا شعر تحت جلدي وبقع حمره !! منو نفسي بشرتها حساسه وماتتحمل الحلاوه ؟
بعدين تميت اشل بالماكينه من الجذور بعد ونفس نتيجه الحلاوه تقريبا
بعدين ربيعتي خبرتني عن الموس وجربته وطبعا نفس النتيجه جني شاله بماكينه او حلاوه بس الشعر يطلع اسرع
المهم هالثلاثه نفس النتيجه .. في احد نفس حالتي ؟
( رجاء لاتقولون لي ليزر لاني ما افكر اسوي )
وبخبركم
انا شعر جسمي الحمدلله استوى خفيف مع الايام و جنه وبر
ونفس الوقت عندي مسامات قاهرتني وبشرتي حساسه جداً
شو احسن طريقه بتكون لازالة الشعر !
السحب بقو يأثر حاولي تروحين لدكتوره جلديه بتفيدج اكثر يعتمد على نوعيه بشرتج
السنفره والحمام المغربي يفيد لكن ما يناسب الكل
وهي اللي تخليج تشوفين انه النتيجه وحده، لانه المسامات تبين ف
كل الطرق وبالتالي ما تفرقين بين ازالة الشعر بالحلاوه او الموس
خبروني انه المسامات تخوز بالليزر بس هالحل ما يناسب الكل
ف انتي شوفي دكتوره جلديه واستشيريها
مشكله هالمسامات
حاولي تشيلين الشعر عكس اتجاه نموه
وبعد نزع الشعر ما تحطين كريمات خذي شوار وريحي بشرتج وبعدها بساعتين حطي كريمات