اخواتي الاماراتيات الراقيات ساعدوني برايكم مكياج عصري

السلام عليكم اخواتي …….انا وافدة مش اماراتية ولما كنت ببلدي ما كنت البس عباة ………..بس لما انتقلت للامارات الحمدلله صرت البس العباة وصرت ما اقدر بدونها بس مؤخرا صرت احس شكلي صار ممل فيها ومش مرتب واهملت نفسي وصرت احس حال اكبر من عمري بكثير حتى زوجي صار ينتقدني…..الصراحة انا ما لي حابة اتخلى عن العباة احسها استر من اي لبس مهما كان عريض وبنفس الوقت حابة نصايحكم حتى اضفي لوك شبابي على العباة وكيوت …..حتى ما بيوم اضعف واتخلى عنها

وايد محلات تفصل ع ذوق الزبون انا انصحج تفصلين شي يناسبج ويكون مقتبس من تراثكم وعداتكم انتو وتقاليدكم وفي نفس الوقت فضفاض وطويل احترام لعاداتنا وتقاليدنا هذا راي علشان نكون فخورين ب بلادنا وانتمائنا لها مادري هذا راي والسموحه

إن شاء الله الخبيرات بلاسواق و المودلايت يفيدونج باحلى موديلات محتمشة تعطيج لوك شبابي

ختيــه روحــي محلـآت العبي وجوفي الموديلـآت
الي تنآسبج وتنآسب المكآن الي بتلبسيــنها فيهــآ ..

للرفع

حبيبتي كم عمرج اولا لانه في عبي ماتناسب الكبار
ممكن على حسب عمرج تلبسين والمحلات ماشاء الله تاسه الدنيا وعلى حسب ميزانيتج الغاليه
اممممممممم ممكن تروحين مركز ابو هيل في دبي كل الموديلات وتناسب كل الفئات
وبعد ممكن تقولين لنا من وين انتي وان شاء الله مابقصر معاج
نصيحه ترى الصغر والكبر مب من لبس العباه او اي لبس كان لان شخصيتج تعكس هالشي والانثى بطبعها تحب الزين واكيد انج حلوه بس يبالج تركزين على الاسياسيات يعني في البيت او خارج البيت اهتمي بنفسج قدام زوجتج مب ايي وانتي بعدج بلبس المطبخ او مب مرتبه شعرج واااااااااااااايد اشياء ماوقفت عالعباه ارجو انج تكونين فهمتي شو اقصد والله يجملج في عين ريلج يارب

يمكن أنتي تفصلين سايز أكبر عنج عسب جذيه يبين شكلج مب مرتب .. فصلي ع مقاسج بشكل مناسب يعني مايكون ضيج و لا واااسع

..

و بالنسبة للموديلات عندج المحلات سيري شوفي شو لي يناسبـج و يناسب المكان لي بتسيرين له ,,

و ممكـن بعد تلبسين سكارف بسيييط و ألـوانـه هـاااااااادية