السلام عليكم ورحمة الله وبركاته
خوااتييه ودي منكن بنصيحه لاهانت عزومكن
فيني ضيجه وغصهعمريه عشرين سنه
انا مالجه في اول اسبوع رمضان
يعني مكلمه على ملجتيه تقريباً 3 شهور داخله ب ال4 شهور
ويٌفترض ان عرسيه يكون بأول شهر اثنين يعني عقب شهرين او ثلاث
لكن وحده من قرايبنا توفت الله يسّمح ذنوبها ويجعل الجنه مثواها
ف قرروا عربنا يأجلون العرس 3 شهور زود
على اول شهر 5
عسبت محد بيروم يكشخ ولا يتزين البيت وغيره
والعزا من شهرين ولا ثلاث غادي
على اقل يكون الوقت الي مر معقول
انا ماعترضت قلت الي تبونه على راسيه من فوق وهو رضى ومقدر هالظروف
وماخذ انه موقف ولازم يوقف ويايه
لكن التأجيل مروعني
محد يقولي لاتوسوسين
انا روحي احسب الوقت ليوم العرس
مب حباً في ريلي ولا شوق ومن هالكلام
لكن اخاف تطلع مشاكل ولاكلمه منه ولامناك
معنيه هاديه مره وياه
ولكن كل ماتزيد الفتره تنعق رمسه
الوقت ييب سوالف وياه
وانا روحييه متوتره ماعرف شسوي
اول شهرين كنت يالله بالكلمه مجرد مستمعه
عقب شهر الثالث قلت لازم اسولف عشان مايمل وخذت عليه وقمت اسولف بحدود
ف الرابع قبل حالة الوفاه صارت امبينا مسجات فيها علوم يني من هالسوالف العاطفيه
طبعن نحن فالكلام نستحي من بعض لكن خليناها على المسجات
وانا حاطه ف بالي هاجي لشهر 12 بالكلام
وعقب 1 اكون معرسه
الحين تأجل العرس
ماعرف شسوي
جداميه 6 شهور شو بسوي بهن وكيف بتفاهم وياه
وشو بسولف وكيف !!
مابا شي بالعفويه لان شفت نهايات وايده بين ربيعاتيه به العوفيه مال ابوها داعي
هالايام لازم الوحده تحسب للكلمه الف حساب
وانا بديت اخور كل مايزيد الوقت
احس اني ضايجه وايد ومتوتره
مابينا حب وهالامور لكن قلوبنا مرتاحه لبعض
انا ابي اعدي مرحلة الملجه ابسرعه
معنيه احاتي العرس وفيني روع منه بس عنديه اهون
بنات دخيلكن اعرف ان هاي اجمل مرحله وماتكرر
لكن ابي شي فعلي او نصيحه تهدي بالي
انا متوكله على ربي في كل الامور
بس هذا قلبي ومالي عليه حيله
متوتره وخايفه من الايام اليايه ماعرف شسوي والله
وهو من النوع الي مايبادر بشي الا اذا باردت به
يعني مثلن لو اقوله تصبح على خير حبيبي بالمسج طبعن
رد عليه بالمثل وانتي من اهله ياعمري او قلبي واللخ
لكن ان قلت تصبح على خير رد بالمثل وانتي من اهله
يعني ماعرفله واخاف من الايام اليايه
ماعرف اتصرف وياه
لانه ريال مشاءالله عليه يركز ويتأمل الكلام ويفسر ويحلل
وانا من النوع الي خواف ماحب ريال يركز ف كل شي
احس لازم احاسب واتحمل على عمري ف كل شي وياه
عمومن هاكله مب مهم
اهم شو اسوي وياه
الفتره زادت وغدن 5 الى 6 شهور
شسوي هالفتره وكيف احافظ على علاقتنا طيبه بدون مشاكل !!
هالفتره معناته 5 شهور كل يوم ساعه نرمس بتيلفون وغيره من زيارات
مع ان كل شي امبينا خفيفخ صوصن زيارات قليله
لكن
طول مدة الكلام واللقا تطلع اشياء مالها داعي
والواحد يزل بامور مالها معنى لو مايبا
وسؤال ثاني على شو اعوده :
الريال على ماتعودينه على شو اعوده ويايه في فتره الملجه
وغيره ترانيه غبيه
هو ابيض مني وانا خبله فاقده ثقه ف نفسي مع اني حليوه بشهاده الكثير وملامحي غاويه
بس الغباء ومايسوي حسسته اني مب حلوه
والحين الريال شكله حاس اني عاديه ويقول الجمال مب مهم
وبس ماخلت في فواديه شي
الا ظهرته لكن
ترى لخوفي داعي محد يقولي مكبره السوالف على اشياء مال ابوها داعي
لي يدينه بالنار هب شروا الي يدينه بالماي
ويسعد ربي قلوبكن يارب
لا تبخلن علييه بنصيحه منكن ماتدرون ابها تصلح حال وتفرج ضيجه
والكلمه الطيبه صدقه
لا تحاتين هالمرحله مش بس انتي تحسين بهالاحساس
تقريبا الاغلبيه يحسون بهالشي
وكلنا كنا نحاول انه في فترة الملجه ماتصير مشاكل ونحافظ على هالايام
انها تكون ايام حلوة علشان تترك لنا ذكرى حلوة يوم نحكيها لعيالنا
انتي لا تتوترين وخلج طبيعيه لابعد الحدود واذا بينتي له انج متوتره وحالتج لله
يمكن ياخذ منج موقف في خاطره ويقول شو هالانسانه ؟؟
فمب حلوه في حقج طبعا…. انتي اذا كنتي تقولين له كلام حلو خليه على طول حلوو
خاصه انه هو من النوع اللي يلاحظ ويتامل مثل ماذكرتي
بس لا تتمادين وايد معاه لانج لو تماديتي معاه مابيكون بقى شي للعرس
وان شاءالله تعدي هال5 شهور على خير وشغلي نفسج بالزهاب والتحضير للعرس
وصدقيني بهالطريقه ان شاءالله بيخف توترج وبتنسين حتى…
تكلمي معاه عن مستقبلكم وعيالكم واساميهم وارسمو لكم احلام حلوه
ماله داعي لكل هالخوف
ربي يتمم لج على خير يااارب ^^
والله حبيت ارفع لج الموضوع >> لاني ملقوووفه ماعرف
ان شاء الله البنات يفيدونج
وتاجل لين شهر 10 .. ورد واجله لين شهر 3 .. ولين الحين مش متاكده من الشهر !!
لانه ماحجز ولا اكد الحجز .. وطبعا شرات ماقلتي كل مازادت فترة الملجه زادت المشاكل ..
وانا حاليا مضاربه معه ولا اكلمـــه .. انا انصحج انج اتقللين من مكالماتج معه .. وانشغلي بشي ثاني ..
انا دووم طبيعية يا خطييبي لكن هو ما يصدق يمسك علي كلمة و لا حركة
احس خلاص مابا ها الريال
الله يهون على الجمييع
النصييحة اللي بقوولها إن خففي من الزيارات و المكالمات و خلج ثقييلو و غاامضة شوية
بالتوفيق
وهونيها اتهون وبتظحكين على عمرج بعد العرس ههههههههه ^_^ وخليج على الداء ولا تقطعينه ^_^
المشاركة الأصلية كتبت بواسطة دمعة غـلا 
والله حبيت ارفع لج الموضوع >> لاني ملقوووفه ماعرف
ان شاء الله البنات يفيدونج