احسن نوع تمليس للشعر و احسن صالون بالشارجه او عيمان لبرة صحية

السلام عليكم حبوبات

شحالكن و شو ارمضان وياكن

بغيت اتخبركن شو احسن صالون لتمليس الشعر او فرده بالشارجه او عيمان
ومجرب ومضمون الصالون وشغلهم وشو اسعارهم

وشو احسن نوع تمليس يتسوى

الريباند ولا الكيراتين ولا التمليس العادي

انا مجربه التمليس العادي وايد اوكيه بس عقب 6 شهور يروح لما يطول الشعر

ارد اسوي نفسه ولا لاه !! لانه سويته من قبل والحمدلله شعري لا طاح ولا صار به شي
شرات البنات ما يقولن

واللحينه شو احسن واحد يسوي هالنوع من التمليس

بليز خبروني قبل العيد !!

السلام عليكم شحاالج إختي؟

أنا عن نفسي كنت أسوي
REBonding
وهو نوع من التمليس إلي يخلي شعرج شرات الفلبينيات

صدقيني النتائج بتعيبج لإنهم يشتغلون عدل، و أنا سويته مرتين "كل سنة مره" ، أما إختي سوته 3 مرات

بالنسبة لشغلهم، هم يشتغلون من خاااطر،
يعني شعري انا لين نصف ظهري فياخذ منهن ما يقراب 7 أو 8 ساعات شغل ، حتى المبلغ يلي بتدفيعينه بتدفعينه و إنتي راضيه

شوفي، بالنسبة للأسعار، لو ما يعرفونج "هذيل فلبينيات" ، بيعطونج سعر ما يقراب الألف درهم ، بس لو بغيتيني أساعدج بهالأمر، تراني ساعدت ربيعتي و سرت وياها لين هناك ، فعطوها سعر بين الـــ 600 و 700 ما أذكر، بس بعد يخصمولي لإني زبونة عندهم

للأسف موقعهم في دبي، بر دبي
الصالون اسمه : Rickeys
لازم تحجزين قبل ما اتسيرين ،

الحال دوم يكون إنج اتسيرين هناك الصبح ، يعني بالكثير 11 و اتخلصين ساعة 8 تقريبا، و حالي موووول لا اتسيرين أيام الإجازة لإن الصالون بيكون زحمه، يعني سيري فأيام الأسبوع العادية

بس انا ما ابي شعري يستوي شرات الفلبينيات يعني

بس مشكله الصالون انه بدبي !! ماشي منه بالشارجه

اذا تبين الكريم الطبي الفرنسي لتنعيم الشعر بديل الكيراتين فالج طيب

حبيبتي انا بسوي الريباندن في صالون امواج البحر اللي عند صالون ميك اب وشعري لين اخرظهري يسوون لي ب 700

سمعت عنه هاه بس ما ادري ما اجازف بشعري يختي

ولو خذته منو بيسوي لي ؟

وين هاه الصالون !! وشو جنسيه العاملات؟

اتعرفين انا كم مره سويت في رفيرا بالراك وشعري بس لين جتفي خذو 150 لانه خفيف بس ع اختي 300 شي لانه شعرها وايد طويل وكثيف ومجعد اكثر عن شعريه