شو يومكم إن شاء الله تمام ؟؟
اولاً انبارك حق كل اللي انخطبوا البارحه واللي بينخطبون في هالاسبوع !!! ياااااي كشخه
المهم
اليوم حابه اعرض لكم هالموضوع واللي هو يوم الخطوبة أو يو النظرة الشرعية ……
مثل ما قرينه وايد مواضيع انطرحت عن يوم الملجة ويوم العرس وما بعد يوم العرس < الصباحية> وكانوا من أجمل المواضيع والكل يشهد …صح ولا أنا غلطانه بس مثل يوم الخطبه ماشي احلى منه والمواقف الحلوه اتصير في هاليوم المرعب ؟؟؟؟؟
المهم شو رايكم اليوم كل وحدة منه تكتب شو صار يوم خطبتها !!!
يعنــــــــــــــــــــــي
كنتي مستعدة ولا كانت مفاجئة لج ولأهلج ؟
.
كنتي خايفة ولا كل شي عادي يعني كووووووووووووول ..
.
شو كان شعورج يوم سلمتي على ام الولد يعني *عمتج وخواته ؟
.
شفتي الولد < المعرس > ولا من الزيغه ماقدرتي ودخلتي فاليداااااااار ..شرات بنت خالوه !!!
.
اذا شفتيه شو قلتي في خاطرج …. مثلا * مكار * حبوب * شيبه * ياهل ……. الخ
.
وآخر سؤال …. موقف يضحك صار جدام المعرس أو جدام اهله ههههههههههه !!!
واذا في شي زياده انا ما سألتكم عنه اتمنى اتقولونا اياه ؟؟؟
اتمنى تفاعلكم بهالموضوع ومشاركاتكم الطيبه ….
واذا الملقوفات حابين يشاركون بالموضوع ماعدنا مانع , خبرونه عن تجربة خواتكم ؟؟؟
يس لا تمصخونها يعني الموضوع للمعرسات وللي جربوا وانتوا لكم نصيب قلبل منه !!!
يالله امنوا بيبتدي
1
2
3
،،
كان عااادي وكنت مرتبكة،، وقلت في خاطري أمممم ما قلت شي لأنيه من الله شفته دقيقة وحدة وبس وما وحاني
،،
وعلى اهلة عادي سلمت عليهم ويلس عندهم ،، عااااااااااادي
،،
بس صارت أشياء نكته ما فيه اكتبها تعبانه ههه
،،
إن شاء الله البنات يكتبون
انا بعدني ماياني النصيب ادعولي
بس حبيت اشوف واضحك .. لاني اسمع ان هاليوم يضحك .. ولا حد من عايلتي عرس
وبالتوفيج لكم
تعرفون شو كنت أسوي
كنت فالمطبخ لابسه جلابيه عاديه والكشة ذاااااااااااااااااااااااااك كبرها،، ويالسه أسوي كب كيك
،
حدر أخويه المطبخ ونازعني قال " وينهن خواتج ما ين يساعدنج" ………
هههه ذكريات حلوة،، عادة عقبها سرت كشخت وتعدلت وستويت أحلى عروووس ههههـ
،،
عقبالكم >> إلي يقول انا ملجت ههههههههههههههههه
كنت انا وياه مرتبكين
كل واحد فينا لاف الصوب الثاني ههههههههه
بس انا كنت ذكية قاعدة يم الباب والباب يعكس شكله وكنت اطالع بس اهو
كا يوايج شو ويرد
فديت ريلي والله
عاد احنا ما عندنا شوفه شرعية …وأصلا هو ولد عمتي يعني لا شافني ولا شفته يوم الخطبه بس يوم كنت صغييره كنت كل يوم مطيحه عندهم في البيت.. وحليله يوم بغا يشوفني قالو له بسك شفتها لين ما قلت بس..
المهم نيي لهاك اليوم كنت صغيرة وتوني مخلصه ثالث إعدادي يعني عمري 15 سنة بس….
انا ويا بنت عمتي الي تستوي بنت خالته يالسين عند باب الميلس يعني أي حد بيدخل لااازم يشوفنا
وكان الوقت الصبح وما توقعنا حد بيي
وكنا يالسين نتضارب ع الحمام مال الميلس عزكن الله.. انا ابا ادخل قبل وهي بعد تبا.. وكل وحده تدز الثانيه وسوالف البنات تعرفوون عاد
جان يرن الجرس وأنا عبالي الدكان ما اهتمييت جان يدخل عمي وعمتي ولأنه أمه اخت ابويه فسحبت الحبل مال الباب ودخلو وشافونا في هالموقف
وانا من الحييا دخلت داخل الحمام عزكن الله وطيحت بنت عمتي
وعمتي يت تهازبنا تقوول شو مستخفات .. ثقلن شوي .. صوتكن واصل لآخر الفريج
وما كنت اعرف انهم يايين يخطبوني رسمي
قلت لها هي ما تخلييني ادش الحمام
وحليله عمي ما قال شئ بس قالي روحي ازجري ابوج
وبعد ما روحو جان تيي أماية وتقول مبرووووك انخطبتي
وتخيلو عاااد الاحراااااااااااااااج
وكل ما اتذكر الموقف اتفشل من عمري… وحليلي