وش حااااااالكم اخواتي في الله …
مدري وش اكتب لكم بس اللي اعرفه اني وانا اكتب لكم متضاااااااااااااايقه حيل وتعبت من الانتظار..
كل سنه اقوووول ان شاء الله انا في بيت زوجي خاصه رمضااااااااااان ..ويمر رمضان ومكانك سر ..
تتوقعون اني اتزوج ..او على قولة اخوووواني مافي احد ..لان كل جماعتي تزوجوا مافي الا اصغر مني ..او اتزوج واحد شاب وكل صفه تمنيته فيه …ويحبني مووت ويسعدني ..
ابي احس نفسي مرغووووووووووبه او اقل شي انخطب ..
وربي وربي وربي وربي اني اكتب والدموووووع على خدي ..ضاقت في الدنيا ..مابي نظره الشفقه والرحمه ..اختي الصغيره ماشاء الله انخطبت الله يوفقها ..
شعررررررررري طلع فيه شيب وانا توني ما تزوجت …
امنيتي في الحياه اني اتزوج ..احسه حلم كبيررررررررررررررر..
يااااااارب ارحمني وحقق حلم بدأ يكبر يوما بعد يوما ..
انا متفائله بربي واعرف ان هذا خير لي ..
تكفوووووون والله يرحم والدينكم ويرزقكم سعادة الدنيا والآخره لا تنسوني من دعواتكم كل ما جيتو تدعون لانفسكم ..
مو شرط تتكتبون دعووووووووووواتكم ..ابي دعائكم في ظهر الغيب وانا لا ادري ..
ربا فيكم من اقسم على الله لابره ..واسرع الدعاء اجابه دعوة لاخيك بظهر الغيب..
والزمي الدعاء وسورة البقرة بشكل يومي بنيتك
وتصدقي سرا بحيث يمينك ماتدري عن شمالك
وانشاء الله ربنا يستجيب ويرزقج الرجل الصالح ويبارك لج انشالله حبيبتي والمكياج علي هدية
مووووووووووفقة يارب
ولو اني ماشوف الي عندج مشكلة لأن واااااااااااايد بنات فبيووتهم ومستانسين لأنهم مقتنعين وراضين
ماتدرين الخيرة وين فكل هالتأخير
لا تقنطين من رحمة رب العالمين
ربج يقوول من رضي فله الرضا ومب سخط فعليه السخط
رب العالمين يحب يشوف عباده منكسرين وخاضعين له فصلاتهم
فوقت سجوودهم بالذاات
وينج عن القيام والصيام والصدقة بنية هالشي؟؟!!!
لا تبخلين على نفسج بهالامور
وراويي ربج انج راضية بس تتريين منه هالامنية الي يحققها لج
وربج ما بيحققها لج الا اذا كنتي فعلاً راضية تمام الرضا بكل شي عطاج اياه
اهم شي تحمدين ربج عليه هو الصحة والي غيرج محرومين منها
في الوقت إللي بتقضينه من بعد صلاة الفجر وإلى قبل صلاة الضحى أقري قرآن وخاصة سورة يس واستغفري
وأذكري الله وصلي على النبي << يعني قولي كل الأذكار إللي تقدرين عليها وعقبها أدعي باللي تبينه وقومي
صلي ركعتين الضحى وخلاص أبدي يومج.
لو أنتي موظفة أو طالبة وما قدرتي تسوين هالشي كل يوم ,
على الأقل واظبي في الأيام الأجازة الجمعة والسبت.
2- قيام الله لا تودرينة لو ركعة وحدة إللي هي ركعة الوتر وأدعي في القنوت .
والله يعطيج لين تبينه يارب.
ملاحظة :كثرة التعلق والتوتر بالشي تبعده ما تقربه
فخلج هاديه وتوكلي على الله وتركي الموضوع عليه من غير محاتاه.
من لزم الاستغفار جعل الله له من كل هم مخرج ورزقه من حيث لا يحتسب. وربي عن تجربه الاستغفاااااااار استغفري تمي طول الوقت خلي الاستغفار علسانج وربي يوفقج