اتصلت تقول انا حامل من ريلج المومة و الطفل

بنات انا خلاص بتخبل ما تسوى علي بعرس حالي حال البنات ما اقدر اطول اليوم حفلت ملجتي ونفسيتي زفت من الي صار الساعه 1الفجر رن مبايلي كذا مره يوم نشيت اشوف رقم مستشفى صقر تميت ارتجف خف احد من اخواني فيهم شي يوم رديت ولا وحده تقولي شو اخبارج انا فلانه حبيبت خطيبج فلان انسعقت جان اقولها انا مو خطيبته انا زوجته تمت تصيح وتقول انا احبه من قبل ما اعرس وخنة ريلي وياه والحين انا حامل بشهر الاخير فيني ولد منه هو يقولي اهله غاصبينه عليج وانه ندم انه خذاج وانه يحبها هي وانا متوهق فيني والله يابنات حسيت ياني دوخع للحظه غمضتني يوم تصيح وتقول انا من 8 سنين وياي كنت ابغي اتطلق من ريلي واخذه بس هو الحين ينتقم مني لاني عرس مع انه قالي اتريني تقول انها من قالها بيتقدم لوحده مرضة وياها جفاف وحالتها زفت تترجاني لا تاخذينه انا بموت لو شفته مع غيري حتى انا والله انصدمت يوم قالتلي انه ريلي قال لها انا عشان خاطرج باخذ وحده مو حلوه عشان هي لا تزعل وتمت تلمح لي انها ملكت جمال وانه ريلي حلف انه ما بيتركها طول العمر وقالتلي انه علاقتهم مثل اي اثنين متزوجين تدرون احس عمري مصخره ومقصه وزباله وغبيه وريلي ما فتحت له موضوع انا من بندة ما رمت انا غير ساعه تمت تترجاني ما اخبر ريلي لانه بيضربها وانه من خمس ساعات وياه وشلت عن تلفونه الرقم وتقولي عندها وايد ادله انه ابو ولدها اخاف هذي حركه عشان افركش ازواجه شو تقولون

لالالا حبيبتى هى شى ما ينسكت عنة كلمية وواجهية قولى لة يا فلان السالفة كذا كذا واحنا على بر الامان اذا السالفة صدق هى تركة اخير لج والله بيعوضج لالا تسكتين من هى اللحظة كلمية وفهمى هلج بالسالفة هى شى عود مب سهل ليش انتى حاطج مهزلة وحامل بعد لالا هى بصراحة خاين ولا تثقين فية بس تاكدى اول من السالفة صدق ولا تمثيلية والله يعينج

قلبي عورني

الغاليه كلميه وصارحيه

بشكل عام لو شو قال وشو سوى

بينيله انج زعلانه

ولا تكلمينه فتره طويله

عل وعسلى يحس بدمه شوي

صدق الموضوع صعب بس الغاليه فكري فيها عدل ..

اول شي قيمي شخصيتها وحده ماحشمت ريلها وخانته واحملت منه يعني لو كلامها صج استغفر الله ولد حراااااااااااااااام واسمحت اتقولها لج بالفم المليان انها حامل ؟؟ كيف اتصدقينها ؟؟ اتعرفه من يوم ولا من عشرين سنه عند رب العالمين وبدينا هذا حراااااااااااااااااااااااااااااااااااااااام فلاتقولين غمضتني اتعرفه من 8 سنوات وآخرتها شو يعني ؟؟ هي متزوجه شو تبا منه احين ؟؟

كفايه انها غريبه عنج و اتصلت فيج بغرض انج ماتتزوجينه واتخرب علاقتج فيه هذا كان كل هدفها من الاتصال ومتصله من مستشفى صقر عشان ماتاخذين رقمها واتطلعين اسمها وتفضحينها ..

فكري في الموضوع صح وقيمي شخصيتها لو كانت صعبه بالوقت الحالي بالنسبه لج.. وايد بنات حقودات ويألفن من عندهن قصص .. انا تابعت موصوعج قبل ماذكر اي قسم بس مب اتقولين هو اربيع اخوج وانه خطبج عن طريقه .. اسلوبه وياج هل هو فعلاً كارهنج ؟؟ هل حسيتي ابيوم انه يخونج ؟؟

يمكن وحده من اهله وتباه او يمكن صديقه قديمه وتبغي اتخرب عليج وتبغي تنتقم .. بنات هاليومين بنات شر محد يصدق كل شي ينقال لين ماتتأكدين ابنفسج ..

يمكن البنيه اتقص عليج وتبا اتخرب بينج وبين ريلج ,, انتي كلمي ريلج ضروري وخبري اهلج بالسالفه

شكلها وحده فاضيه وما عندها سالفه
متصله عسب تخرب بينج وبينه و لو فيها خير جان اتصلت من رقمها
مبين من رمستها إنها انسانه حاقدة و تبا تفرق بينكم بس
مره ثانيه يوم بتتصل قوليلها هاتي عشرة منه لو ترومين ههه ( اسولف )

اممممم
بعد ما قريت مواضيعج الاوليه عن صدمة ريلج فيج لانه ابيض وجميل وانتي سمرا
يمكن تكون حركة منه عسب يطفشج ههه هالمره صج اسولف
الله يخليكم لبعض

حبيتي تاكدي من الموضوع ؟؟؟ وحده تقولج تخون ريلها ويا وااحد ثاني بكل قواة عين .. لا تستبعدي انها جذااااابه … لا وبعد حاامل حسبي الله ونعم الوكيل لهالدرجة الناس صارو رخيصيييييين!!!!
اختي لو تكلمين واحد من خوانج عمامج خوالج .. الخ اي ريااال يكون عاقل وثقة وخليه يساعدج تتاكدين من الموضوع بحيث انه ريلج ما يعرف شيء عن الموضوع ولو تاكدتي انا كلامها صدج بالعنه تااااخذه وياها والله ما يسوى ترابج …. ادري انه ما عندج وقت بس اختي انصحج ما تواجهينه قبل ما تتاكدين يمكن تتبلى على الريال وتكوني بديتي حياتج وياه بالشك !!! ودامج اصلا ماالجه يعني الحفله ما راح تغير شيء ….
الله يوفقج ويفج عنج الضيج يارب