اتذكر ولده الحين المومة و الطفل

مرحبا بنات

اشحالكن ؟

صديقتيه عندها سالفه و خبرتني عنها و تبا حل من كثر القهر اللي فييني قلت بلجأ لكن

الله يسلمكن هيه مطلقه و عندها ولد ريلها خلاها من عرف انها حامل يعني تقريبا ثلاث شهور تمت معاه عقب قام يسوي مشاكل من اسخف الاشياء هيه ما اتحملت و راحت بيت ابوها .
اتخيلن حتى كان يدعي عليها و على جنينها ..

المهم مرت لشهور و ربت اربيعتي تقريبا ولدها الحين بيكمل سنتين انخطبت هيه و من عرف طليقها قال بياخذ الولد . اي ولد ها اللي بتاخذه انتي مصروف ما تصرفه عليه كل 3 شهور طرش مرة و اكتشفوا انه معرس بالدس و عنده اعيال بس اهله ما يدرون عنه .

ربيعتي حالتها النفسيه تعبانه وايد

بنات اعطونا حل شوو اتسوي هيه متعلقه فولدها وايد و ما تصبر عنه و مستحيل اتفرط فيه لواحد مثل هالانسان لانه صدق حرام ينعطى الشخص كلمه الابوة ..

تجرب تستشير محامي هذا افضل حل

توه تذكر الله يهديه بس الافضل اختي تسأل حد يفهم من الناحية القانونية

ربي يسهل امره

لا حول ولا قوه الا بالله

الله يكون في عونها ويساعدها

وشرات ما شارن الخوات .. احسن تاخذ مشوره قانونيه

الله يعينها"تيلس ويا ولدها احسن من الزواج وعقب بينفعها ولا تهد ويتلعوز ويا حرمة الاب ويضيع":"

الحق وياها والقنون بيعطيها الحضانه الانه اولا اصغير ثانيا سولف ابوه المحكمه ما بتحكم جه للاب لزم تتاكد ان لاب ما يستحق عقب بيعطون الحضانه للام حتى لو انها معرسه خل تلجى لمحكمه وربي يسعدها ويوفقهاااا ويهدي ابو ولدها