ابي شوركن الحين ؟؟؟ عالم الامومة

بنات زوجي زعلان مني ما انه انا ما سويت له شيء ولا يحق له يزعل انا المفروض ازعل بخبركم ليش امس تمصخر علي فالليل وانا عصبت من مصخرته وعقب ما سكرت التلفون طرشت له مسج عتاب واغلقت التلفون من الضيق اللي فيني واليوم عالساعه 1 وفتحت التلفون ولقيت مطرش مسجين كلهن عتاب ولوم منه ورديت وطرشتله انه الله يسامحك انت كله تخليني انا الغلطانه ليش ما تحس فيني ولا اتصل فيني وقلت بكون احسن عنه وبتصل لو اني حييل زعلانه بس ما رد علي اكثر عن مره اتصلت وهو ما يرد قولولي الحيين شو اسوي ؟؟

على فكره ترا زوجي فالدوام وكل ها قاعد يصير بيننا الحين ؟؟؟

اولا غلطانه انج اتصلتي اكثر عن مرة خلاص مرة وحده مارد مصيره بيتصل

والمسج كفى ووفى

المفروض الحين لاتتصلين ولاشي اسكتى منه يومين وبيرضى ترى اغلب الرياييل مايحبون يراضون الحريم

يودى عمرج الحين قد ماتقدرين لااتصال ولامسات انتي سويتي اللي عليج خلاص

الله يعينج لاتتصلين خلاص بس طرشي له مسج (( آسفه حبيبي ولو ضايجتك بشي كله ولا زعل الغالي )) وبس لاتكبرين السالفه يمكن الريال يستغلها لشي اكبر صدقيني وقولي له انسى اللي صار امس نحن اعيال اليوم وخلنا نفتح صفحه يديده كلها حب وسعاده بعيد عن الكدر والهم والزعل ,,

والله يسخرهم لنا يارب

غصب عني يالغلا اتصل له اكثر عن مره
يمكن ليش انه فالدوام لا اريد اضيق هم دوام وهمي بعد ^_^

الغلا طرشت له وقلتله ينس ى السالفه واعتذرت بعد له فالمسج
ولا عبرني

سبحان الله كله الرياييل نفس الطبيعة ونفس الاسلوب واعتقد كل الحريم نفس الشي هههههه

الغالية الريال صعب عليه يتأسف ولو تأسف مرة ما بيتأسف كل مرة فما يبا يطلع نفسه الغلطان

ومثل ما قالت الاخت uae eveالمفروض ما تتصلين وايد مسج واتصال كاف

على كل حال اكيد ريلج ما يصبر عنج وبيتصل لج بس انت اتريي ولا تتصلين

ولو اتصل عتاب ولوم عالخفيف ولا تكبرين الموضوع

وحاولي اتسوين شي يديد في نزلته

نيو لوك ..عزيمة … حنا … اي شي

والله يسعدكم

طرشي له مسج واكتبي له اسفة
وهو وكتب مايرضى بيتصل