السلام عليكم ورحمة الله وبركاته بنات من امس ما نمت زين يالسه افكر في موضوع وحدة استغربت منها هذا الله يسلمكم كانت بنتي الصغيره مريضة خذتها للعيادة وانا يالسه يأت وحدة ويلست عندي ومن لبسها تنعرف أنها توها عروس ( اتعرفون العروس كاشخة 24 ساعة) المهم سألتني أكيد هاي بنتج قلت له هيه وبعدين وبدون مقدمات قالت لو وحدة توه مزوجة وحملت كيف اتنزل الياهل ؟؟؟ انا بطلت حلجي وقلت له هذا رزق من الله وحرام اتقولين جذه في ناس تتمنى هذا الشي ومب محصله حرام حرام عليج قالت انا توني عروس وابغي اطلع وأستأنس قلت لها اطلعي ع كيفج والله كتب لج هذا الحمل مب زين عليج قالت انا بعدني اصغيرة 24 سنه عمري قلت لها لا مب اصغيره انا ازوجة وعمري 18 سنة وحملت وما صار شي اصغر عنج عندهم اعيال 😡😡😡 يوم اتبنهم وانتي بهذا السن احسن ينفعونج باجر يوم تكبرين والمهم بنات انا نصحتها بس والله أخاف أنها ما اقتنعت لانها قالت لي أنها ما خبرت ريلها 😡😡😡😡
الله يهديها
الله يهديها
حسبي الله ونعم الوكيل
هاي اكيد مب صاحيه
الناس تدقع دم قلبها عشان ياهل
وهذي بارده مبرده تقول ماباه
يوم الله بيجازيها ع سواتها وجحدانها لنعمه ربها
هذيج الساعه بتعض اصابع الندم
بس ما أقول استغفرالله العظيم لانه يوم سألتها ليش عيل يايه العيادة عشان تتاكدين من الحمل قالت لا عشان اسوي عكس ما اتقولها الدكتوره يعني اتقولي أنها قامت وشربت زيت خروع وقرفة يعني أي شي عشان ينزل صدق أنها مب صاحيه ما اعرف ليش ازوجة أصلا يوم هذا تفكيرها
وحدة مثل هذي المفروض ينزلون عنها رحمها ويتبرعون فيه
استغفر الله الواحد شو يقول بس
استغفر الله الواحد شو يقول بس
الله يهديها
الله يهديها