شحالكم بنوتات لو فيه مجال وحده تفيدني تكون ولدت في مستشفى توام واخذت التخدير النصفي للولادة وكيف كانت النتيجه اللي حصلت عليها والله ييجزكم كل خير
الله يسهل عليج
تقصدين ابره الظهر
في حد ندم وفي حد عادي ماندم
ا تكلم بشكل عام مب على مستشفى معين
ولله يسهل عليج وتقومين بالسلامه
كلها كمن ساعه الم عقب ماتربين تنسين كل شي
لو بايدج تربين طبيعي ليش لا ؟؟
لا تختارين من نفسج الولادة القيصرية او الولادة الطبيعية مع ابرة …
وايدين اعرفهم ما سوت لهم شي .
لكن شخصيا اول ولادة لي ريلي ما خلاني اخدها و صح اني تالمت من الخاطر بس نسيت كل شي 
كلها ساعات و يروح الالم و المعاناه و كل شي بإدن الله .
المشي ممتاز جدا جدا , في اول حمل لي كله رقاد و قليلة الحركة لكن بعدها استفدت من كلام المجربات قبلي
و اتخدت المشي قاعدة عندي قبل الولادة بشهر بشكل يومي و الحمد لله كانت النتيجة جيدة جدا .
حاولي تصبرين عمرج ولا تاخدين ابرة بعد ما يطلع البيبي ما بتحسين بشي نهاااااااائيا كل الالام و المعانه تختفي .
العملية او ابرة الظهر و غيره تظل الامها بعد الولادة , فلا تاخدينها نصيحة لج من اخت 
أول شي إذا تبغين تربين قيصري و من دون سبب عاجل علشان تخافين ومادري شو إسمحيلي أختي إنتي ىغلطانة و أسمعي قصتي بالتفصيل عن القيصرية و أنا و لله الحمد إنجبرت عليها و سويت أربع قيصريات أول شي ينومونج قبل القيصرية بيوم و تحاليل و بالباتشر إيدخلونج غرفة العمليات و أنتي ( عفوا على اللفظ ) عريانه بدون ولا قطعت ملابس و تيلسين على سرير العملية كأنج راكبة حصان طبعا بدون ملابس و التخدير إيكون فلأغلب دكتور و يعطيج إبرتين فالمكان علشان يخدر المنطقة و طبعا الإبرتين كل وحدة تعور أكثر من الثانية و إبرة الظهر بروحها ما بتحسينها مثل الإبرة العادية لا بتحسين مثل شي يكمت على نفسج و روحج عني أنا وايد عورتني و مب مرة وحدة فكل مرة و على الفكرة الدكتور إلي يعطيني الإبرة أجنبي و يشقون بطنج و يطلعون البيبي و بعدها يبتدو يعطونج كل يوم إبرة مالت الإلتهاب طول ما أنتي بالمستشفى أما فالولادات المتكررة لازم تاخذيها مدة أسبوع بعد العملية كل يوم إبرة و هذا غير الإلتصاقات إلي تتكون بعد العملية و مرى يقصون شوي م المثانة لأنها ملتصقة و مرة إيبون لجدكتور يفكك الأمعاء الملتصقة فبعضها و تقولي الدكتورة إذا قلنالج فيج إلتصاقات و لا تحملي و ما سمعتي الكلام و حملتي عادي نفتح و نشوف مثلا المعدة لاصقة بالرحم و نشلها عشان نطلع البيبي و إتمين طول عمرج تاكلين ببيبات من الأنف و أنا قالت لي الدكتورة باول حمل فيج ضغط و لازم نسويلج قيصرية و الثاني بإذن الله بتربي طبيعي و هاذي انا اليوم مسوية أربع قيصريات و قالولي فيج إلتصاقات و طافحه جبدي من كثر حبوب المانع و مب قادرة أوقفها خايفة من الحمل و مب متقبلتنها فلا تجبرو نفسكم على شي ما كتبة الله لكم
ابرة الظهرة انا جربتها مرتين والحمدالله فادتي ومالها اثار بعد الولادة مثل مايقولون
ونصيحة لاتسألين اي حد اسالي الدكاترة احسن شي وهم بيفيدونج اكثر لان معضم الناس عندهم افكار ومعلومات غير صحيحة عن الابرة
انا سويتها في توام والحمد الله كان قرار سليم لاني كنت حامل بتوام واحد من التوائم نبضه ضعيف كان الولاده الطبيعيه خطر عليه وكان التخدير الكلي بيخدره شوي بس التخدير النصفي الحمد الله ما اثر عليه والله الحمد الله يسهل عليج