السلام عليييييكم
شحالكن بنات وحريم؟؟ ان شاء الله تكوووووووووووووونن بخير وصحه وعافيه
اللي تعرف طريقة مشروب الكاسترد الساخن تخبرني ،،، اخويه من متى خاطره فيه ويالسه ادور في النت ما حصلت
لاني احصل بدون المقادير وبصراحه ماعرف اسوي شي بدون القياسات
يعني اريد بالتفصيل الممل ،، كم خاشوقه كاسترد وكم خاشوقه سكر وكم ماي والخ
ومشكورات ^_^
( مقاديره وطريقته)
كاسترد
سكر حسب الرغبه
زعفران
هيل مطحون ناعم
حليب بودره يذوب مع ماء(افضل الحليب البودره اكثر فى الشراب الساخن ام الكاسترد البارد افضل حليب سائل طبيعى يصير ألذ)
تخلط جميع المقادير مع بعض
توضع على نار هادئه الى أن يغلى
يسكب فى الأكواب (وأحب أزينه بالزعفران)
(طريقتها ومقاديرها)
شعيريه باكستانيه (يكسر كسرات صغيره)
كاسترد
حليب بودره وماء
هيل
سكر
مكسرات مجروشه
تحمس الشعيريه قليلا على النار
يذوب الحليب ،السكر والماء مع إضافة الهيل
يوضع على النار ويحرك باستمرار مع إضافة الشعيريه الى أن يغلى وقبل ان يبعد على النار توضع المكسرات
وتصب بالأوانى وتقدم
اممممم لذيذه ودافئه بالشتاء البارد
مشروب الهنأ
بس والله مـآ اعرفهـآ..
يمقن تقصدين السحلـب..؟!
ترـآني حصلت وصفتين وحطيتهن لو هب هن خبريني
وان شـآْء الله اخبرج بهن
ولو تقصدين السحـلب قوليلي وبسـآل امي كيف يسوونهـآ لـآنهآ تسويهـآ ..
والسمووحهـ منج على القصوور مرهـ ثـآنيه =)
خاشوقتين ونص كآستر
حليب مراعي طازج نص لتر ..
الشكر تفنني فيه .. لاني احبه حلوو احط اكثر عن فنيآن شكر .. تقريبا 5 =)
هيل وزعفرآن ..
اول شي حطي الغوري وصبي فيه الحليب وهو بارد وضيفي الكستر على طول وتمي حركيه لين يحر شوي وعقب ضيفي الهيل والزعفران والشكر ..
خليه عالنآر لين يغلض شوي .. وارفعيه من النآر بس ..
واذا حبيتي تضيفين الحبه الحمرآ ضيفيها مع الكستر بعد ماتكونين مودنته ف المآي قبل *
وصبيه فالدله .. وبالعافيه .. هآي طريقتي وان شاء الله تفيدج
والسموحه
انا سويته من مخي .. طبعا عقب ما قريت وايد في النت بس كنت ابا القياسات بالضبط
اول شي حطيت 4 خواشيق نيدو في 3 ونص اكواب ماي
وخليته يغلي
ويبت خاشوقتين كاسترد وذوبته في نص كوب ماي
وعقب حطيت الكاسترد على الحليب وخليته لين ما يغلظ شوي
وحطيت فنيان ونص شكر ، ونص خاشوقه صغيره فلفل اسود
وخليته لييييييييين ما يغلظ
واخر شي حطيت شوية هيل .. وصبيته في الدله
الحمدلله مدحوه وقالوا حلو 