ابا اقولكم شي لاحظته الفتره الاخيره وشي مب حلو جمال و اناقة

بسم الله الرحمن الرحيم
1-ماتلحظون انا حفلات الملجه والعرس استوت مالها فرحه كانه شي عادي قبل كنا نموت على شي اسمه اعراس غير في متعه الحين لا لانه كله مكرر ونفس الشي قبل كنا نفرح بالعرس لانه اله معنى ام الحين تحضرين العرس لتفاخر كلهم ميليسن على الطاولات ويطالعون بعض بنظرات خقه وغيره ولا بعد مايسلمون لوووول
2 – العروس تنزل الساعه 11:30 ليش؟؟؟؟؟؟؟؟؟؟؟ حلاته العروس تستانس بعرسها حرام المكياج والفستان والخسر على ساعه 12:30 تروح وياريلها هذا اذا ماكنت اقل من ساعه (انا حالفه في عرسي انزل 9 لووووول عقب الاذان بنص ساعه ابا استانس في العرس )

3- الملجه = العرس
قبل الملجه في البيت والعروس تتعدل وتلبس فستان وتنزل من وقت للمعازيم (الي هم اهلها )
الحين الملجه في قاعه وباقه وكوشه كانه عرس عيل عرسواوانتهى الموضوع واذا في البيت كوشه واضاء وحاله ليش شو بتفرق عن العرس
حالته الملجه تكوون عائليه وبسيطه والعرس يكون غير اممممم بس هذا الي كنت ابا اقوله شرايكم في هذا الشي ؟؟

صراحه حلووو موضوووعج

االحييين الملجه بعد في قاعه مب شي شو سويتي عيل عرسي مره وحده ليش الخسر والله حرااام

وانا احب اسير الاعراس

وصدقها العرووس تدخل متاخره شو الفايده الميكب سااح من الظهر صح الميكب لي تم شوي يكون احلى

بس عالاقل الساعه 10 داخله شوفي الناس ( فضوول) ههههه شوفي الرقص ونااسه جي

وان شاءالله الله يزرقنا بريل صاالح

الصراحه كلامج صحيييييييييح

انا يوم عرسب بدش علاأقل 9 ونص

صدق ابي استانس واشيك منوه ياي ومنوه مب ياي
ههههههههههههههههههههه

وبعد احس ال يسوو ملجه بقاعه وجي ماله داعي العرس والله
بعد ناس تسوي بطايق حق الملجه
ههههههههههههههه
والله حاله
لالا انا ان شاء الله يوم بنخطب وجي
لا بسوي لا حفله ولا شي
بسوي ملجه عاااااااااااائليه والصديقات المقربات فقــط

والعرس عاد غير

دلـــــــــــع العرس
عسب لو سويت بالملجه قاعده وحفله ودي جي ولا فرقه شوبخلي للعرس

هى والله صدقكم الاعراس صاااايره شئ عادىماله مزه مثل قبل
وموضة العرايس ينزلن الساعه 11 ليش انزين؟؟؟

فى عرسى نازله الساعه 10 وروحت الساعة 12 يعنى تهنيت ههههههههههههههههههه

انا في عرسي نزلت الساعه 10 .. والله كنت ادش وبعده فيه معازيم وراي توهم داشين القاعه …

امي قالت خلاص خواتي في اعراسهن بنزلهن 10 ونص .. ( احس انسب شي )

وعن الملجه انا ماسويت حفله .. ملجت فالمحكمه واهل ريلي سوولنا عزيمه وفي بيتهم بعد !

لنه عندنا العرس 4 ايام .. و عوضنا فيهم …

بس صدق الاعراس مب شرات قبل .. احس كل شي مكلف ومصطنع ….

المشكله انه انتي لو تقولين ما بسوي ساعات اهل المعرس يصرون .. انا قلت ما ابا حفلة ملجه وعمي ابو ريلي اصر الا يسوي حفله ويعزم الناس وايييب حربيه لانه ولده العود ويبا يفرح به .. كل ما اقوله هذا الشي ماله داعي قال لا سيري سوي جيه وعابلي جيه وحطي جيه استوت حفلة الملجه جنها عرس مصغر!! ما يسوى !! عرسوا عيل مره وحده جان جيه وفكوني من العباله مرتين !

الله يوفق الجميع

حتى انا احب اسير الاعراس لووووول هي والله قبل كنا نرقص وحاله الكل يرتبش الحين الكل مرتز على الطاوله اللهم أميييييييين ^_^