ابا اربي يا جماعة الخير فيدوني لصحتك

خواتي انا بالشهر التاسع و بكر هدا اول حمال لي و دخلت الاسبوع الثالث و بعده مافيه لا طلق و لا علامة الولاده يعني ماي او دم
وابا اربي خلاص يعني ماعندكم طرق اسويها عسب الطلق او فتح الرحم لاني اليوم كان عندي موعد و جيكت عليه الدكتوره قالت راس الياهل تحت بس مول مب فاتح عندج ولا سانتي اضايقت وايد

الله يسهل عليج ياارب
اصبري شوي و ان شاء الله خير
بس انتي امشي وايد قد ما تقدرين

بس ما وصيج بشرينا

الله يسهل عليج اختي
اصبري و الي حفظه لج تسع شهور بيفرحج بشوفته جريب ان شاء الله
امشي و امشي و امشي و امشي
الله يسهل عليج و تبشرينا اليوم قبل باجر ان شاء الله

الله يهديج صبري اسبوع ولا اسبوعين يعني حتى لو كملتي شهرج ودخلتي العاشر مافيها شي خااااااااصه انج بجر .. اهم شي صحة البيبي تكون زينه .. و متى الله كاتبله بيطلع لا تستعيلين عليه .. كلي تمر و امشي و شربي ماي زمزم مقراي عليه والله يسهل عليج و علينا ان شاءالله

الله يقومج بسلامه ويسهل على الجميع الولاده لا تستعجلييييين

المشي على الشاطىء واااايد نفعني ..
بس نصيحه ..اصبري و شلي الموضوع من بالج و خليه لوقتها