إعادة الثانوية العامة …….. و القانون الجديد ..! التدريس الاماراتي

كل عام و انتوا بخير …. و رمضان كريم ينعاد عليكم انشاء الله …

خواتي و الله اني محتاجة نصائحكم ….. أنا صار لي فترة أدور على شغل و ما حصلت و انتوا تدورون الشغل صعب الواحد يحصله ألحين …. لذلك قررت اني أعيد الثانوية العامة و آخذ مسائي و كان عندي اصرار و عزيمة كبيرة لما قررت اني أعيد الثانوية … فاليوم رحت الوزارة أستفسر عن الموضوع فالموظف صدمني …. و قال لي : ما يصير نعيد الثانوية اذا كنا ناجحين قبل في الثانوية … حتى لو إن شاء الله لو كانت نسبته 50 % المهم ناجح ما يصير يعيد الثانوية مسائي و هذا القانون الجديد ….. بس يقدر يعيدها اذا أخذ منازل ……. و الله اني ما استوعبت الموضوع عدل ألحين لازم ندرس منازل و ما ناخذ مسائي ليش…؟ شو الفرق بينهم يعني ….. أنا أشوف المنازل صعب أدرسها و خصوصا في مواد دراسية لازم أفهمها مثل الرياضيات … النحو… أنا ما أعرف أذاكر شي بدون ما أفهم …..؟
و الله خاطري أعيد الثانوية بس أخاف أدرس منازل بدون ما أفهم …. ألحين سؤالي حد يعرف شخص درس منازل و نجح …. و كيف أقدر أدرس و أفهم مادة مثل الرياضيات …. ؟

الله يخليكم لا تحرموني من ردودكم … و الله يوفقكم انشاء الله .

المشاركة الأصلية كتبت بواسطة Pheno-m-enon

حبوبة هل انتي نسبتج وايد نازلة عسب تعيدين الثانوية العامة؟
احيد قبل وااايد ناس كانوا يعيدون الثانوية مسائي و ما كان شرط منازل

لا اختي أنا نسبتي 80 % بس شهادتي مضى عليها فترة7سنين و كل ما أقدم مكان لازم تكون الشهادة ما مضى عليها أكثر من 5 سنين … و ألحين هالقانون الجديد على أساس الفصول الثلاث واايد سهلات فالمسائي يكون للناس اللي ما كملوا دراستهم مثلا درسوا ثاني إعدادي و وقفوا دراستهم …. و المنازل تكون حق اللي يريد إعادة ثانوية … و مشكورة اختي على الرد و جزاكي الله ألف خير .

المشاركة الأصلية كتبت بواسطة wf1

هلا اختي ومبارك عليج الشهر
انا هالسنه عدت الثانويه العامه منازل وعلمي وربج يسرها الحمد لله ونجحت
اهم شي ان الواحد يبي يحقق شي ويكون له هدف ويقدم اللي عليه
الله يوفقج يالغاليه وتوكلي على الله وشدي حيلج والتوفيج من الله

مبروك اختي النجاح … بس حابة أعرف كيف نظمتي وقتج و كم ساعة باليوم تخصصيها للمذاكرة في الأياك العادية … و أيام الامتحانات الفصلية .. … و عن المواد اللي تحتاج فهم مثل الرياضيات كيف تدبرتي أمورج من هالناحية … و كم مادة باليوم تدرسي و كم درس …. أنا عندي أسئلة وااايدة و الله من كثر خوفي من المنازل ظهرت هالأسئلة … لو فيه امكانية انج تجاوبيني بتسوي لي معروف كبير …. و مشورة على ردج .

ڷآ آڷهُ آڷآ آڷڷهُ وحڍهُ ڷآ شُريڲ ڷهُ ڷهُ آڷمًڷڲ وڷهُ آڷحمًڍ وهُو عڷۓ ڲڷ شُي قڍير