أنا ف دوامه ..شو أسوي مع ريلي رعاية الاطفال

بنات أنا ف دوامه مع ريلي صار بيني وبينه خلاف كبير وانا رديت بيت اهلي لأني كرهته وهو ولافكر يعتذر او يتصل او يسأل صار لي5شهور والله عالم فحالي بس يوم سألت كيف أقدر اطلب الطلاق قالو مشكلتي بسيطه وقالو اني أنا الغلطانه يوم رديت بيت اهلي المفروض ما أرد لو شو ما صار..أحين لو تصالحنا كيف وهو أصلا ولا ع باله ولاجني زوجته أحسه يبي يذلني .أنا أحبه والله ومستعده أسامحه بس أتريا منه موقف يحسسني انه يبيني وأنا ما أبي أرجع له مذلوله ابي أرجع له مرفوعة الراس.ليييش نحن المتزوجات رياييلنا يظلمونا ليش نحن اللي لازم نضحي ليش ..شو أسوي مع ريلي هو مايبي يطلقني مش حبا فيني بس أحسه يبي يذلني تخيلو 5شهور مو معبرني والقهر ما عنده اهل أقدر اخليهم يدخلون أوو يصلحون بينا أنا ع ذمته ولا أحس اني متزوجه ماحاول يكلم أبوي ولاشيء ما أعرف شو الحل معاه..!.اللي مرت بنفس تجربتي تنصحني واللي بتذمني أفضل انها ماتكتب أحسن وانا ماشرحت مشكلتي بالتفصيل بس اختصرت اللي اقدر عليه انا ما أبي الطلاق بس أخاف أرجع له وأندم أخاااااااف أعيش معاه مره ثانيه أحس كرهته بعد الخلاف وريلي من النوع اللي ماينسى بسرعه بيذلني ذل اني رديت بيت أهلي واحس بيحرمني منهم بعد اخاااااف واااااااااايد.ادعو الله يصلح بينا والله يحنن قلبه علي والله يفرج همومي وهموم جميع المسلمسن يارب

تعرفي ليش ؟؟ احتمال لان ما عندنا خبره كافيه بالطريقة المناسبة لتعامل مع الرجل ثقفتنا تكاد تكون زيرو
جد يعني لانه في عرفنا ان هذه خصوصيه بحته
الله يسر امرج ويفرج كربته وان شاء الله ايج ريلج يصالحج بس عليج بالاكثار من لااستغفار وطلبي من الله ترى الدعاء يسوي المعجزات

ان شاالله الاخوات يفيدونج …

حبيبتي … انتي طالبه انه ما نذمج .. اوكيه .. انا ما اقدر اقول انج ليش رحت لبيت اهلج ؟؟؟ لأني ما اعرف المشكله اساسا؟؟ ريلج شو سوا عشان تطلعين من عنده وتروحين بيت اهلج ؟؟ انا من رايي خلي الوالد يكلمه … ويقنعه انه يردج البيت ؟؟ بس ما يقوله انه بنتي غلطانه ومن هالسوالف.. المفروض يدافع عنج … ويبرر موقفج ؟؟؟

والسموحة … والله يفرج همج وهم الجميع … اللهم آمييين

حبيبتي لو شو ما صار من بينكم المفروض ما تطلعين من بيتج الريال ما يحب هو اللي يتصل في الحرمه ولا يحاول يصلح من بينهم الاغلب الريايل ما يحبون هو اللي يبادرون الحرمه بعض منهممن يحاول الاصلاح
بما ان ريلج من النوع اللي يذل يعني اتوقعي المذله اللي بيذلج عليها الانج انتي اللي طلعتي من البيت
من راي طرشي له مسج يطيب الخاطر ولا اعزيمه على مكان هادئ تتفاهمون وبيني له حبج له وكوني اكثر هاديه منه عقب قولي له ابي ارد اليوم وياك البيت ابدي بدايه حلوه
ربي يصلح من بينكم

الله يصلح حالج شو ماكان السبب اكبر غلطه الوحده تطلع من بيت زوجها لانه بهل الهفوه الصغيره تكون حجه كبيره عند الريال … تمي استغفري وايد وتصدقي ماتعرفين دعوة محتاج تنقذج من اي مكروووه والله مجربتنهااا … والله يسر لج امرج .. وحاولي تكولين عقلانيه وتطرشين مسج تجسين فيه النبض وعسى الله يحنن قلبه عليج قولي امين

الله يردكم لبعض إن شاء الله ..