أسعار فراش المستشفى تغذية صحية

السلام عليكم ورحمة الله وبركاته

كثير من اللي يربن يحبن يفصلن فراش للغرفة في المستشفى فسؤالي هل تحبين أسعار الفراش تكون غاليه أو متوسطه أم رخيصه؟

أتمنى تحطون الأسعار اللي تحبونها بداية مثلا من فراش الأم ومخدتين حطوا من كم تقدرون تدفعون لين كم مثلا حد يقول من 1000 لين 2024 وحد أكثر وحد أقل

سؤالي لأن وحده تبا تبدأ في هالمجال وحابه تعرف الأسعار والآراء..

أتمنى تعاونكم عشان نفيد ونستفيد

الله يسعدكم

ممممممممممممم ع حسب الذوق
أنا فراشي مسوتنه 3500 مادري 3200 عباره عن 10 قطع بس حلو عند أنا وطفلي

اختى انا افضل تكون الاسعار متوسطه …. مب غاليه لان تعرفين الا كم يوم الحرمه بتقعد في المستشفى … انا في نطري ما افضل اخذ فراش قيمه 2000 او اكثر….

مب اكثر عن 2000درهم لان بسرعة بتعافينه ومابتستخدمينه غيرمرة

أنا فصلت فراش عند الحلم الجميل
بـ 3000
كينج سايز ..
مع علبة كلينكس ومخدات

صح كان حلو وكل حد مدحه لكن ندمت إني فصلت
وقررت إني يوم أحمل مره ثانيهإن شاء الله وأربي آخذلي جاهز
لأني عقب حصلت جاهز وحلو وبنفس السعر