هلا بالخوات الغاليات …
كيف الحال …
عساكم عالقوة …
إن شاء الله يكون تجمعنا في قسم حوامل لثلاث الشهور الأولى …
عندي موضوع و أحب أستشير صاحبة الخبرة فيه …
أو من جربته …
كان عندي موعد أمس عند الدكتورة علشان تشوف نتيجة التحاليل إللي سويتها بعد الإجهاض ، علشان تعرف سبب وفاة الجنين …
و طلعت أعاني من تخثر الدم .. أو تجلط الدم …
و طلبت مني في الحمل القادم _ بإذن الله _ أضرب أبر ( أسمها Heparin) طول فترة الحمل 9 شهور يوميا …
هل لهذه الأبر سلبيات ..؟
و هل هي مؤلمة ؟ .. و أين تضرب ؟. و هل يتأثر المكان لكثرة الضرب بالأبرة ؟
و هل من جربت هذه الأبرة ولدت ولادة طبيعية أم قيصيرية ؟
و كيف حال الجنين ؟
و شو يعني تخثر الدم … هل مرض … و لا عارض سيزول … ؟
و شو الأكل إللي يساعد على التخثر … و إللي يساعد على سيولة الدم …
أدري أن اسألتي كثيرة …
لكن شو أسوي وااااااايد خايفة من هالموضوع .. و أمس ما نمت من التفكير في هالموضوع …
و الصراحة كنت أبكي وااااااااااايد …
أرجو الإجابة … لمن عندها معلومة …
و الدعاء لي و لكل مرسض … لمن ليس لها رد …
و جزاكم الله خير …
تاخذينه مثل ابرة الانسولين اي مكان بالشحم و الافضل البطن بجانب السر 5 سم بعيد عن السر
بس لازم عقب تاخذين حذرج اقل جرح او شي بياخذ وقت عشان يبرى
والله يوفقج يارب
