اليوم يايبتلكم موضوع وايد حلو حق العرايس انا عن نفسي راح اقضي شهر العسل اهناك
هههههه 
المهم هاي الجزيرة اسمها موريشيوس موجوده قريبه من افريقيا بس شو خبال اهناك يتكلمون الانجليزيه والفرنسية ومناخه وايد حلو وتنفع لشهر العسل
في الحقيقة انا في البداية ما كنت اعرف عنها الا ريلي هو اللي قالي عنها وبعدين سويت سيرج فنت وطار مخي وياها المهم نبذه سريعه عن الجزيرة وطريقة الوصول
الجزيرة ها معروفه باسم ارض السكر 
وثانيا :- تسمى بارض الاحلام
الرحله من دبي اليها بطيران الامارات تاخذ 6ساعات ونص
واذا زدتوا على التذاكر اول ما توصلون من الطيارة تركبون بورش كاين اعتقد وتوصلكم لحد مدخل المطار وتستقبلكم موظفه شاله عصير كترحيب فيكم و في حد ياخذ عنكم الاوراق يخلص كل الاجرائات وسيده على الفندق ام صح الفنادق والمنتجعات وايد اهناك
مثل :
The Oberoi Mauritius
وها فندق وسبا :
Paradise Cove Hotel & Spa
وثالث فندق :One&Only Le St Geran
والفندق الأخير هو الأفضل من بين المنتجعات السابقة لقضاء ايام شهر عسل لا تنسى او لتجديد شهر العسل بالنسبة للمتزوجين
المهم انا وايد عيبتني
هاي صور الجزيرة كامله:
في الختام احب انبه العروسات الحلوات ان هاي الجزيرة مافيها مولات فيها اسواق متفرقه وانا بعد بسير اطالعها اجوف صدق اللي قالوه عنها و لا
عليك بالاستغفار: {اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً }
^^