السلام عليكم ورحمة الله وبركاته
قريت معظم المواضيع الي تتكلم عن الفساتين
و90% من المحلات . . فساتينهم
1- الأقمشة رديئة
2- ديزايناتهم غريبه ومب استايل !
3- تقليدية جداً ومب راقية
4- دفشة ومب أنيقة
5- فصوص ألوان وأشكال بدون أسلوب وفن !
6- ألوان غريبه ومش متنأسقة !!
7- قصاتهم ماتجذب . .
8- أسعار تصدم لفساتين ماتستحق قيمتها !!
. . . . . . . .
وأنا إنسانة . . أدور الأناقة والأنوثة
ادور الفستان الي يبرز تقاسيم الجسم . . ويظهر جماله
أدور تصميم راقي بقصة جذابه وحركه ملفتة
أدور بإختصار " النـآعم . . الهـآدئ . . الجذاب . . الراقي "
وأبتعد عن " الفخم . . الثجيل . . المنفوش . . المتعدد الألوان "
وفي محلات حطيت عليهم " إكس" !
محل الحريبي . . الجعيدي والـخ . . ومحلات المـارينا كلها
لأنها للأسف رديئة !! قديمة !! مايلفت ولا يجذب !!
وأبتعد عن المحلات المبالغة في أسعارها
لأن عندي عرس لأحد معارفنا . . مايستاهل البس بـ 5000 و6000
ادور شي بحدود 1000 – 1500- 2024
والي أباه شرات إإلاستايل الهوليوودي . . وشرات فساتين نجوى كرم . . وإليسا
من هذا القبيل . .
انا من سكان بوظبي . . ودبي مالقيت فيه شي مغري
ياليت تدلوني على محلات او مصممات فـ بوظبي
عندهم :
1- شي راقي واستايل اوروبي مثل ماشرحت فوق
2- الأسعار من 1000 لـ 1500 ومايطوف الـ 2024
3- والي تقول لي عن المحلات تذكر " مكانه بالظبط وإسمه الصحيح . . الإستايل الي عندهم . . الأسعار "
وشاكره لكم خواتي . . فمان الله
بصراحه كل كندورة احلى من الثانيه وكلهم قصااات
المشاركة الأصلية كتبت بواسطة سنيورة دبي 
بصراحه كل كندورة احلى من الثانيه وكلهم قصااات
الصراحة شغلها ما عليه كلام … أنا دومي عندها في كل مناسبتنا
تبين شي راقي .. وما يتعدى 2000
كيف ؟ ؟ ؟ ؟ ؟ ؟ ؟
أختي " Jathebeyah "
ابي شي هادي وسمبل جداً . . مو تصميم مصممين عمالقة ومعروفين
لأني لاحقه ^_*
عندج في دبي محل لي لي فالي استايل اوروبي واسعار بعد حلوة نفس اللي انتي طالبتنه بين 1000وال2000
مكانه بجانب ستي سنتر دبي