انا وزني كان 51.1 و طولي 169 يعني ابي اوصل لبداية الستينات
بس من عمر عمري ما كان وزني يزيد شي
الحين اخر مرة قمت اتبع الكلام اللي تقوله لي رفيجتي و امها و امي تشجعني و بعد ما اتبعت كلامهم اول امس رحت وزنت لقيت المفاجـأة الكبرى زدت ثلاثة كيلو و نص
يعني وصل وزني 54.6
ما تتصورون شكثر فرحتي
الحين بقول لكم شنو كانت رفيجتي و امها يقولون لي عشان امتن
كانوا يقولون لي اكلي هالاكلات بكثرة و فعلا من قمت اكلهم بدى يظهر الاثر على جسمي و اول شي كلهم قالوا لي ويهج متن صارت لج خدووووووود و لما وزنت لقيت النتيجة المفرحة
اخليكم مع الاكلااااااات
1// آلو مقلي(chips) و حتى الشيبسات العادية تمتن خصوصا الحارة
2// اشربي ماي بتوازن و لا تتحركين وايد عشان ما ينقص وزنج
3// اكلي سندويش واااايد <<< و هذا اكثر شي فادني كنت آكل ثلاث إلى خمس ساندويشات باليوم و كنت احط فيهم جبن و ساعات مع الجبن سمبوستين بس على الاقل ثلاث وحدات باليوم صج كنت افطس من اكلهم بس للضرورة احكاااااااام و لاجل عين تكرم مدينة
4// المايونيز كنت آكلهم مع الآلو المقلي (chips) لانه يمتن بشكل غير طبيعي
5// الكاكو
6// اثناء الغذا شربي لبن و تقدرين تشربين ماي بعد الغذا مباشرة لانه يمتن
5// زبادي كامل الدسم
6// عصير ربيع (بدرهمين)
7// كثري بالغذا و نامي على طول
8// تعشي و نامي على طوووول
9// كثري من المكسرات
10// كثري من العيش و حطي معاه لبن بعد او اذا ما تحبين شربي معاه لبن
12// بدل ما تشربين ماي تقدرين تشربين حليب لانه يعادل الماي بس يفرق عنه بانه فيه سعرات اكثر
13// أكل ملعقة عسل من على الصبح بعد ما تشربين كلاس ماي
14// سوي هالحليب يوميا و شربيه (( ملعقتين او ثلاث حليب نيدو +سكر+ ماي= حليب يمتن))
15// اسلقي بطاطس بقشورها و بعدها قشريها و اكليها
16// كثري من الموز و الكيوي اكلي منهم يوميا خصوصا الموز لانه يتوفر اكثر <<تراهم يمتنون بشكل غير طبيعي
بـــــــــــــــــــــــــــــــــــس هذا كل اللي يحضرني
اللي عندها اضافات تضيف و تفيدناااااااااا
كل وحدة تدخل ياليت و ان ما ردت تدعيلي دعووووووووووة حلووووة بان الله يحقق لي اللي في بالي
اهم شى الشهيه وزيادة الاكل والحليب يوميا ..
و ان شاء الله كلنا نوصل للوزن المثالي المطلوب
ماشاء الله اكل صحي وان شاء الله توصلين للوزن اللي تبينه
انا شراتج ابا امتن سبعه كيلووووووووووو لاني ضعيفه وعرسي جريب
عليج بالمرتديلا اللي في قوطي واااايد وايد مفيده من ثلاث سنوات سرت عند نيوترشين وعطاني جدول اتبعه عشان امتن بس انا اهملت وكان يقولي كل يوم كلي مرتديلا وبكثره لان فيها سعرات عاااليه وبروتينات
وعليج با البطاطا المهروسه والباستا والندوديلز بعد وايد مفيد
المشكله اني اعرف فوايدهم بس ماتنفتح نفسي عشان اكل
تحياتي
بطه
ادعولي امتن
انا بعد مالي نفس اكل بس صرت آكل غصبا عني
حتى امي و ابوي لاحظوا و قالوا وايد متغيرة و خدودج مبينة<<وناااسة غير لما يقولون لج ضعيفة واااايد
شجعي نفسج و ابتعدي عن التفكير و على طول طيحي أكل بالبطاطس مع المايونيز و الساندويش و الموز<<هذول اكثر شي منتظمة عليهم
طبعا غير الاكل اللي آكله
يااااااااااااااارب تمتنين عشان تصيرين احلى عرووووس