آحسن آلاماآكن لشرا الأكل للبيبي؟ للساحة الامارات

السلام عليكم ..
شؤ حآلكن مآمآمئز ..

بغيت اسأل شو أحسن الأماكن إلي تأخذون منهاا أكل للبيبي؟

و شو أسسم الأكل؟

مره مررر عليه هنيه فالمدونة قريت كارفور يبيع إشيا زينه للبيبي ..

إن شاء اللـه مآتقصرن فالرد خوآتي ..

بالكارفور والجمعيه والهايبر وسبينس كل مكان بتحصلين بالنسبه للفواكه يعيبنى فارليز اما الخضار هيب وجربر هيرو موب لهناك

بغيت اسالج ..
شيء من فأرليز فواكهه بعد؟

بصراحه انا انصحج تسوين كل شي فرش من البيت سواء من الخضروات المهروسه مع العيش المصري او الفواكه ابتعدي ع الخرابيط الجاهزه انا عني مول اشتريت لعيالي شي من برع كله روحي اسويه بشكل يومي والحين الرابع ياي فالدرب وما مليت ووايد وصفات فالنت ترومين تسوينها وخلطات افيد للبيبي

انا اقول مثل الاخت بطوط
يعني الصغار اكلهم لازم يكوم طازج وصنع منزلي يحليلهم ما فيهم على المواد الحافظه
ا

هيه والله مافي احسن من شغلج انتي رووحج ..

اظمن واحسن .. عالاقل بيرناح قلبج وبتتطمنين ان من شغلج ..

الاشيااء اللي اتكون فالجمعيه معلبه ولا مادري شو .. مب فرش..

وفي وايد وصفات حق البيبي.. عيش مهروس ويا خضروات ..

كل يوم زيدي شي عالعيش .. مره سوي عيش وبطاط وعقب عيش وبطاط وجزر ..

كل مره زيدي شي من الخضروات ..

خذي جهاز فليبس لطبخ اكلات الطفل .. واااااايد سهل ومريح لج لايحتاي تطبخين ولا غيره
بس تحطين الخضار مقطعه فيه وهو بيطبخها على البخار وعقب بيهرسها

اظن سعره ستميه وشوي مب متذكره عدل بس صدق يسوا هالسعر اذا مالج بارض للطباخ والعباله