اليوم بكتبلكم تقرير عن رحلتي حول الامارت الحبيبة (جولة حول الدولة)، وأتمنى انه يكون تقرير وافي من كل النواحي (وافي والا لامسي خخخخ)، وأي سؤال عن الرحلة انا حاضره..
المدة: 5 أيام
الفترة: من 31 – 5- 2024 إلى 5- 5 – 2024 (خمس ايام)
الوجهة: الفجيرة– أبوظبي– دبي
المكان: (فندق ومنتجع ميرامار العقة) – (فندق الميلينيوم) – (أرجان للشقق الفندقية الفاخرة).
التكلفة: 3070 درهم عن طريق مكتب طيران.
نوع المواصلات: GMC سوبربان
الوقود: 292 ذهابا وايابا واثناء الرحله.
الأماكن التي تمت زيارتها:
الفجيرة: مطعم المشوار ومطعم بيتزا هت
أبوظبي:مجموعة محلات ليوا، مطعم قوس قزح، المارينا مول، مجوهرات المناره، واحة أدنوك.
دبي: مول الامارات، Ace ، دبي مارينا مول، the walk ، مركز الواحة.
المصاريف: 4050 درهم تشمل( المشاري والأكل)
ورحلة موفقة للجميع.
يتبع
طلعنا من البيت متجهين إلى الفجيره وهذي اغراضنا في السيره ههه لانه في الرده يمكن عشر اكياس وكرتون خخخخ هالحريم ما ينسون المشاري
المكان: فندق و منتجع ميرامار- العقه- الفجيره
نوع الغرفة: superior room +breakfast
وصلنا الساعه 5 العصر وسوينا الجيك إن check in وخذوا أمتعتنا الى الغرفه رقم 1304 هذي الباركنات ومكانها جدام الغرفه اللي حاجزينها ومدخل الreception غير.
الـ parking
الغرفة
طبعا شفتوا بالونات في الغرفة،، انا بخبركم شو السالفة أنا كنت ناويه اسوي مفاجأة حق ريلي بمناسبة الـ anniversary بس ما عرفت شو أسوي قبل لا نطلع من لبيت قلتلم يجهزونا الغرفة قالوا أوكي بنحطيلج بالونات وكيك والخ.. بس يووووم دشيت ما لقيت غير 6 بالونات مفلعات ؟؟؟؟ انقهرت وعقب طرشوا الباقي بس اضايجت ليش ما كان مرتب من الاول بس صبروا بتيكم الصور..
البلكونة
عزكم الله الحمام
هذي المفاجأة وطبعا العين ترغب في المغطاي خخخ،، المغطاي هي الكيكة والغرشه عباره عن cold drink non alcoholic مشروب بارد غير كحولي وما عرف شو المشروب لانه ما فتحناه وصحن فواكه.
يتبع
عقب ما كلنا الكيكة الطيبة وأكلت ولدي رقدته ورقد أبوه حذاله انا قلت حان وقت الاسترخاااء هههه ترست البانيو بالرغوه وخذيت استرخاءه حلوه
الحين عاد يا وقت العشاء وطلعنا قلنا بنمر على مطاعم الفندق اذا ما عيبتنا اليلسه بنسير برع
على دربنا مرينا على المسبح واللي خلف المسبح هو المطعم الايطالي
ماعيبتنا اليلسه فطلعنا وسرنا (مطعم المشوار) بنات الفجيره بيعرفونه سيده من القلعه
ردينا الفندق والسموحه على الصوره لانها من تيلفون ريلي مب شي كيمرته
وصورة المسبح من فوق
اليوم الثاني وهو check out
واهنه سيارتنا من فوق بجانب الـleft
سرنا بيتزا هت وتغدينا هناك بيتزا سوبر سوبريم بس شو لذيييذه يممي ماصورتها لانه شكلها عادي بس طعمها لذيذ.
)
السموحه اذا كانت الصو شوي عوده والا شوي صغيره تراني هلكانه من الساعه وحده ونص وانا على النت الين الحين الساعه 3 والله معاناه
اول شي ضفت اسمي في الفوتوشوب
وعقب صغرتهن كبار
وعقب حملتهن
وعقب حطيت الموضوع والله تعب
اخر شي خرابيط ان شاء الله باجي الاجزاء تكون ارتب
والسموحه (قصة حياتي)
اتمنى بس اقرى ردود ترفع معنوياتي
الجزء الثاني (المحطة الثانية)
المكان: فندق الميلينيوم –الخالدية –أبوظبي
نوع الغرفة:deluxe room
طلعنا من الفجيرة العصر و وصلنا بوظبي عقب المغرب لانه وقفنا عند عدة محطات.
هذا اللوبي مال الفندق
والحين بترككم مع الصور من ال left الين الغرفه
صلينا وريحنا وعقب طلعنا لمحل مذركير ونكست في شارع حمدان كانوا مسويين تنزيلات حلوه وعقبها سرنا بريمامان جان اشوف هالمطعم الطيب مقابلنه يمممي
واقول حق ريلي شو رايك نسير هالمطعم بما انه البطل راقد قال تمام ان شاء الله بس انحصل كبينه فاضيه..
والحمدلله حصلنا مكان والبوفيه مالهم رووعه احلى عن مال الشارجه بس السلطات اللي في الشارجه احلى ..
وهذا صحني
على فكره كان الشخص ب 66 درهم وكان مش weekend كان الاثنين.
وعقبها ردينا الفندق واليوم الثاني يوم قمت سييييده على الدريشه ابا اشوف المنظر لانه يوم وصنا كان ليل ومب مبين
ياااا كثر السيايير في بوظبي
وازيدكم بنايه من اربع طوابق بس حق السيارات لانه بوظبي عندها shortage في
الـparkings
)
تريقنا وظهرنا على المارينا وتمشينا هناك واسمحولي ما صورت شي كان مالي نفس للتصوير..
اشترينا غدا من مطعم حاتم وسرنا الفندق،، صلينا وتغدينا وظهرنا على المغرب سرنا مجوهرات المناره ومريت بريمامان اسأل عن شي وما طولنا برع كانت هاك اليوم مباراهة المنتخب اللي خسروا فيها ب7 اهداف،، طلبنا عشا من البيتزا ومر علينا اخويه اللي يشتغل في بوظبي اتعشى ويانا وروح..
رقدنا من وقت عشب انش باجر حق الcheck out
ظهرنا على طووول ما مرينا مكان غير واحة ادنوك اشترينا غدانا عهنا وكلنا في الدرب
وهذي آخر صوره صورتها في بوظبي..
)
ولوف
بصراحه ترتيبج للموضوع روووعه ….
والأروع مرورج
لانج رتبتي الموضوع كم التكلفه والوقت وكل شي
مشكوره وماقصرتي ….
تسلمييييييين على كلامج الراقي
كل الرقة
مشكووورع الغلا ع الموضووع بس نتريااا الباقي ……….. (العفو فديتج وان شاء الله بنزله بس اسمحولي ما فضيت وادري انكن مقدرات الظروف)واااااااااايد خاطري اشوف شقق ارجان دبي من داخل كيف
والله يجعل ايامكم كلها طلعات وورحلااات لوووووووول
آميييييييييييييييين يعني انكون عصافير خخخخخخخ
$العامرية$
روووووووووووووووووووووعه تقريرج ما شاء الله
الأروع ردج
الله الله المنظر الي اطل عليه البلكونه فندق الميلينيوم اتعودنا عليه دوامنا في نفس الشارع شفت موقف سيارتي خخخخخخخ
يالله عيل طرشيلي على الخاص وأشريلي وين مكان سيارتج بقولج شي
نرقب التكمله الغلا
حاضرييين
ام عبادي70
روعه ونتريا البقيه
ان شاء الله
ام منيصير
روووعه كملي فدييتج
تآمريييين
لوكل
روووووووووووووعة ما شاء الله
ان شاء الله دوووووووووووووم تظهرووون وتستانسووون يارب والله يبعد الشيطان عن حياتج الزوجية وكلها
آمييييين
ومشكووورة على التقرير
العفو
همسات فرح
الله رووووعة .. الله يهنيكم يا رب ..
آميييين
خبريني شو رايج في فندق الفجيرة _ العقة … نفكر نسير له .. ؟؟؟
أنا رحت ميرامار العقه والصراحه الفندق حلو بس نظامهم ما عيبني يعني يوم بغينا نسير المطعم نطلع من المبنى ونسير نمشي ونفس الشي الرسيبشن والجو حاااار ولدي فديته اتضايج من الحر بس اذا تبين فندق هناك انصحج بجال الفجيره روووعه الغرفه
اترييني خل اخلص من هالمضوع وبنزل صور جال الفجيره
انتوا متى بتسيرون ؟
راسليني على الخاص اخاف ما اجيك على الموضوع
المشاركة الأصلية كتبت بواسطة شلال محبة 
احب التفاصيل والتعليقات عالاماكن واكيييييد خذت منج الصور مجهود
حتى انا احب اقرقر واايد خخخخ وعن المجهود الا كسرت ظهري
تسلم ايدج والله يسعدج طول العمر ويحفظ لج النون
الله يسلمج آمييين و وياج يارب
ومن رحلة لرحلة ان شاءالله
آمييين
وبانتظااار تكملة الرحلة
المشاركة الأصلية كتبت بواسطة القلب الطيب ما شااااااءالله روووووعه الصور
والاماكن اتجنن
الله يسعدج ويهنيج مع بو الشبااب يارب
ويحفظلكم باهيمي ان شاءالله ^_^
ونتريا باجي التقرير يا حلوة …
آمييين يارب ويسعدج انتي بعد مع ريلج و بنتج
وان شاء الله اخلص التقرير بأسرع وقت
وتسلمووووووون كلكم الصراحه احلى ردوود لقيتها في هالموضوع