غالياتي ،،،
الابداع شي حلو صح ممكن اي حد يقلد بس المبدع هو الي يبتكر كل جديد ،،الاعمال اليدويه تتميزين فيها مثل الكورشيه ، الخياطه ، التطريز ،،
انا احب الخياطه ولكن واجهتني صعوبات عشان اتعلم
جلست فتره ادور عن اي دورات ممكن الاقيها عشان اتعلم
سالت في الاتحاد النسائي وكان دوراتهم الصبح وانا ما اقدر الصبح لان عندي دوام
انزين ابا اتعلم شو الحل ؟؟؟
غالياتي النت عالم واسع وممكن نتعلم فيه كل شي ممكن تتخيلونه ،،،
قررت ابدا بالمكتبات رحت ابن بطوطه وتحديدا مكتبه border
فيها كتب جدا رائعه لتعليم الخياطه وتعليم التطريز وغيرها بس الكتب كلها بالانجليزي
كنت اتمنى الاقي كتب متميزة باللغه العربيه بس للاسف اضطريت لشراء الاجنبيه
المهم : بديت اقرى واتعلم شو معاني واقسام البترون الحين ابا ابدا
دورت كثير على بترونات لموديلات سهله ما لقيت بالمكتبات
اطريت ارد للنت واطلب عن طريق النت ،،، وطلبت بترونات لعدة موديلات وبديت التنفيذ
في البدايه كان جدا صعب لاني كل شي اوقف عنده اضطر ادخل للنت وادور شو يعني
في مواقع تعلم بالفيديو كيف تقصين البترون ، كيف تركبين الكم السحاب اي شي تتخيلينه عن الخياطه
الحمد لله نفذت اول فستان ،،، لبسته بنتي قلت ها شو رايكم قالوا بشو بالفستان قالوا ها جاهز
قلت لا ولله خياطي الحمد لله توفقت في اول تجربه ،، والحين بديت اخيط لبناتي الثلاث الله يحفظهن
وخلاص مابا اتمي ادور و ادور عشان القي خياط يضبط ولا من محل لمحل عشان الاقي شي مميز
الحين ليش ما تبدين ووتعلمي خياطه ،،، وتبدعين بتصاميمج ،،، ممكن بعض الادوات ما تلاقينها عندنا
اذا ما لقيتها تقدرين تستعينين بالنت ،،،
انا بديت باول خطوه وانتوا شو الي يمنعكم ،،، اي حد يبا يبدا ويبا مساعدتي انا حاضره ،،،
يالله بنات نبا نشوف ابداع في المدونة ،،،
تبون مواقع اقمشه ،،،
مواقع تعليم خياطه ،،
الي تحتاج شي ما يردها الا الكي بورد
ومعا نحو الابداع
بنات نزلت درس تنفيذ التنوره الطبقات في الصفحه 4
وهذا فستان بنتي باقي الصور في الرد رقم 15 في الصفحه 3
انا خذيت دوره في الخياطه بس الدوره مب منظمه حسيت عمري ضايعه
واعرف اخيط الاشياء البسيطه
وانا احب اجرب ولوغلطت بس المره الثانيه اضبطها
حلو تتفنين في فساتين البنات
بغيت اعرف نفس الديزاين اللي في توقيج شي في الامارات
احب القطع اللي في كم ديزاين
وهل في كتب ولا مواقع يعلم كيف اتنسقين الالوان وموديلات للبنات من 3 سنوات للين 15
وتسلمين الغلا ع الموضوع القيم والله يجعله في ميزان حسناتج
تجربة حلوة وانا من محبين الخياطة والتطريز
تمنيت حطيتي الفستان
وبالتوفيق
تقبلي مروري
مع تحيتي
رايس
دزاينات الاقمشه هاي امريكيه واطلبها من النت وفي وايد مواقع ممكن تطلبين منها
هاي من تصميم مصممه امريكيه اسمها باتي يونج وفي كثير مصممات مو هي بس ،،، اذا حابه تشوفين
موديلات تصاميمها اكتبي بgoogle
patty young fabric
وبتطلع وايد مواقع تبين الاقمشه
بالنسبه لتنسيق الالوان والموديلات مثلا اكتب في الgoogle
girl dress وابحث في الصور ومرات ادخل موقع ebay واشوف الموديلات المعروضه
اقمشه :fabric
او ممكن تدخلين ebay وتكتبين بعد fabric ويطلع لج وايد اقمشه
بنات الي تطرش لي على الخاص انا بجاوب ع العام احسن عشن الكل يستفيد