كل اخت عندها خدامة فلبينيه مسلمة تفيدنا اعمال منزلية

اخواتي كما هو موضح بالعنوان انا محتارة بين الجنسية الاندونيسيه والفلبينيه بس اليوم حسيت اني راغبة بالفلبينية(مسلمة) أكثر …..من كثر ما سمعنا عن بلاوي الاندونيسيات السحر والزنا والعياذ بالله فقلت ليش ما اجرب الفلبينية بس قلت استشيركم ارجوووووووووووووووكم انا ما فيني كل يوم ادفع فلوس وابدل شغاله الله عالم بالحاااال …. ياريت تفيدوني ولا تبخلو علي اللي سبق وتعاملت مع هذه الفئة من الشغالات تخبرني كيف شغلهم وكل شئ يخصهم الايجابيات والسلبيات..؟؟
وشو تنصحوني اجيب وحده مشتغلة قبل لها خبره ولا لاااا ؟؟
وإذا فيه منطقة معينة في الفلبين تعرفون انها زينه يا ريت تكتبو لي اياها ؟؟؟
وانا من عجمان شو احسن مكتب للخدم ويكون ثقة او ممكن من الشارقة؟؟؟

جزااااااااكم الله خير

الله يوفقج بوحده زينه انشالله

وأنا مثلج أختي بالضبط ابا فلبينية مسلمة مب مشتغلة أحسن عشان أخبزها وأعجنها ههههههههههه أقصد عشان أمشيها على كيفي……..

ياليت البنات يفيدوووووووونا

الفلبنيات اوكي ..واحسن شي يبي وحدة من الريف وفقيرة
لا تبين من المدن…………

انا عندي فلبينية مب مسلمة مدرسة ومن المدينة محترمة وتحب بناتي حذروني قبل من اللي ساكنات فالمدن بس انا اقولج شي اللي محتايه الشغل ويايه عشان لقمة العيش بتشتغل بضمير بس اذا يايه تلعب فما تفرق لوكانت من المدينة ولا الريف وامي يابت فلبينية مسلمة بااردة وعليها حركات ماصخة وشهرين وشردت -وعن الأندونيسيات مانصحج فيهم لأنهم خرابات بيوت – بس فالأخير نصيحة مني صلي الاستخارة واتوكلي عاالله وربج بكتبلج اللي فيه الخير

اختي انا تقريبا كل الخدامات اللي ايبهم مسلمات و من الفلبين والحمدالله كلهم زينات بس اللهم اللي يبتها من الكويت كانت شغاله ومش متعلمه صدق عورتلي راسي و دعمه واللي عندي الحين مسلمه ومتعلمه الحمدالله مرتاحه وياها وزينه وكانت بعد قبل عندي خمس سنين والحين هاي يديده بعد زييينه الحمدالله هاتيها متعلمه تعرف تقرا وتكتب اقل شي هاي سكووول على قولتهم … وماعليج منهم المكاتب تراهم ما ايحبون يتعملون ويا المسلمين في الفلبين ويطلعون بس المسيحيات و يشجعونج عليهم انا ابصراحه ايب الفلبينيات المسلمات من مندناو هذي جزيره كبيره معضمها مسلمين او هاتتي مسلمه من مانيلا عصريه شويه ومتعلمه….

لمعلوماتج انا تراني ادق على كل الشغالات اللي اييبهم واشترط عليهم قبل لا يوصلوون البلاد واتفق معاها قبل المكتب واذا حسيتبها اتريد تشتغل ايبها على طووول

بسبب الرسائل اللي تسالني عن الخدم انزل ردي هذا لهم عشان يستفيدن

حبيبتي الدنيا حظوظ وانا ابصراحه حظي الحمدالله زين مع الخدامات او اني انا اعرف كيف اتعامل مع هالفئه من الفلبينيات وبعدين الفلبينيات اول ما اتيج قبظيها ورقه وقلم وقسمي الصفحه بالنصف و عطيها من ساعة ما تنش ليييين تحط راسها بس حطي اهم نقاطها ريوقها وغداها والشاي العصر والعشاء وباقي الاوقات انتي قسميي يومج من غسيل و كوي وطبخ ومراقبة يهال حسب ما تشوفين انسب لج ….

بالنسبه لي اول شي اتصل على جميع المكاتب اللي احصلهم في جريدة الاتحاد او الخليج وطلب منهم ايطرشون سواء ايميل او فاكس وانقييي البيست فيهم من ناحية الخبر بعدين من ناحيه الثقافه والمنطقه اللي يايه منها وبعدين اتصل فيهم طبعا توقيتنا ع الساعه 12 الظهر اسال شو يعرفن واسجل على اوراقها واخبرها بالراتب اللي بتستلمه مني و عطيها شروطي شو اريد منها وطبعا الحمدالله هن ما عندهن خلاف او اي ملاحظه…. واذا عجبتني من ناحية الاسلوب واللغه فهذا احسن شي الوحده اتكون فاهمه مش جنقل في التعامل اتجنني في البيت ما تعرف لا اسلوب ولا شو يعني كهرباء حليلهم ايوونج تراهم من ريف في منهم حتى سويك الكهربه ما يعرفونه…..

ترى معظمهم ياخذون رواتب 800 درهم اما اتعاب المكاتب ترى حسب في منهم 5500 وفي منهم 6500 …. انتي و شطارتج اتكاسرين المكتب كم اينزلج في سعرها لانهم ياخذون زياده … بعدين احجزها ويطرشون لي صورتها وصورة جوازها وانا اخلص الفيزا في يومين واطرشها لهم بس يستلمونها حسبي عشر ايام وتوصلج اذا طول عليج المكتب تراه شاري تذكره برموشن مالت العروض ارخص تذكره وبيلعوزج ….

مناطق الفلبين الزينه هي ميندناو – و زانبوانجا هاي اكبر جزر الفلبين اللي فيها مسلمين حتى المسيحييين اللي ايون من هناك وايد طيبييين وزينات انا عندي مسلمه ومسيحيه من هالجزر اما السواقه لا من جزيره غير اولولو ريفيه شويه بعيده هذي اول مره ايب منها….

اولا واخيرا الفلبينيات اذا شفتيها غلطت ما ينفع اصارخين معاها خذيها على يمب وصكي الباب وكلميها دايركت وساليها ليش سوت هالشكل هال هذا يستاهل انها تتصرف بهالطريقه .. اذا تساسفت طلبي منها انها ما تتكرر هالشي واذا اي شي عندها اتييي صوبج اتخبرج دايركت وما تنحرج… بتشوفينها كيف تعتدل … دايما خلي معاها ابتسامه لوووول

والله ايوفق الجميع انشاء الله