عيش السرايا يم يم ب 10 دقايق تسوووينه من مطبخ الامارات

عيش السرايا

من الاطباق اللي اظبطها ومن اسوييها دقايق والقاهم قضو عليييها بالكامل

طريقه سهله جدا وماتاخذ من وقتج الا دقايق

المقادير
كوبين حليب(غرشة حليب طازج مالات 3 دراهم بس شوي منها يبقى)
فنجان سكر
4 ملاعق اكل نشا( ملاعق كبار هب الصغار)
2 قشطه
توست
شيره

الطريقه
نقطع اطراف التوست ونخليه بالفرن شوي لين مانحس انه يبس (ماتخلونه يتحمر) انا نسيت انيه اصوره
واول مانطلعه نصب عليه الشير بحيث يكون لين عشان يسهل تقطيعه يعني لاتحطون شو لين ماتحسون ابتل بالكامل<<مادري كيف اوضح
وبعد ماتخلصين تبدين بتحضير الخلطه اللي فوق( لانج لو حظرتيها قبل لاطلعين التسوست وتصبين الشيره فوق بتيمد لانها من تبندين عنها بسرعه تتكتل)
الحليب قبل لاتحطينه عالغاز حطي النشا والشكر وخلطي
حطيه عالنار

واوال مابدى يتحرك يغلي شوي
سيده حطي القشطه واستمري بالتحريك

لين ماتحسينها بدت تثخن شو هب واييييد لاتخلينها غليطه وايد لانها اوردي من تبرد تيمد(تتجمد) وتتكتل

وسيييده صبيها عالتوست لو تلاحظين كيف سماكتها على التوست