سؤال >> تخفيف الحكة المصاحبة للأكزيما للسياحة

مراحب خواتي شحالكن ؟؟

بغيت خبرتكم فأكزيما الأطفال ..

ولدي عنده اكزيما من كان عمره 3 شهور والحين دخل الشهر التاسع وبعدها ما طايعه تخف ،، مع ان الدكتور قال المفروض تبدا تخف من عقب الست شهور ،، لانها اكزيما دهنيه مش الاكزيما العادية اللي اتطول ..

المهم بغيت اللي عندها خبره تقولي عن اي شي ممكن يخفف الحكة ع الاقل ،، ولدي طوول اليوم يتحجج ومع اني اقصص ظفوره دوم لكنه بعد دوم يشمخ عمره لين يطلع الدم .. عشان جيه ما البسه الا افرولات مسكره عشان ما اعطيه فرصه يحجج عمره ،، ولو لبسته بناطلين لازم زلاغ ،، وغامضني الحين صيف وحر ابغي البسه شورتات ونص كم وغيره لان اصلا يوم يستحر تتهيج الاكزيما اكثر ،، بس ما رايمه كل ما اجازف والبسه اندم وابدله ع طول ،، يتشوه جسمه من كثر ما يتحجج

ما عارفه شو اسوي ،، والناس كل ما تشوفه يقولولي وصفات اشكال والوان وانا ما عارفه اجرب شو ولا شوو ،،

ابغي شي مضمووون يعني اللي بتكتبلي طريقه تكون شايفه نتيجتها بعينها .. وبعد ابغي اللي استفادوا من دكاتره يقولولي اساميهم ،، لان الدكتور اللي سرتله شااطر ومعرووف واحس عنده خبره فاكزيما الاطفال مسوي مؤتمرات وغيره عنها .. بس سبحان الله يمكن في حد ثاني يفيده اكثر ،، لانه هو عطاني مراهم كورتيزون قال هذا علاجه الوحيد لو تهيجت عنده ،، وصح تخف الحاله عقب ما احطله المرهم بس بسرعه يرد جسمه يتهيج فلين متى بتم احطله هالكورتيزون

بليز كل وحده تقولي تجربتهااا ويا الاكزيماا ،،

ومشكوريين

الله يشافيه ويعافيه

الاكزيما هم وعانيت بعيالي الاثنين بعد السنة يخف هذا اللي لاحظته

كنت أتجنب كريمات الكورتزون استخدمها لما الحساسية وايد لدرجه ما ينام لانه دكتوره الأطفال خبرتني انها مب زينه ولفتره محدده

الاشياء للي استخدمتها لهم زيت اسمه ميلكي اويل من ماركه موستيلا احطه في الماي لما اسبحه يخلي الجسم رطب

بعد السبوح أحط فازلين الوردي مال الأطفال وايد يريح الياهل

شراتج ما خليت دكتور جلديه ما سرت وكريم وصفولي إياه اسمه توبي كريم لما اطلع برع كنت احط له بدل الفازلين وكان يبرد على الجسم

حاولت أتجنب اي نوع من الأكل يحسسهم شرات العنب والخيار والحوامض انتي انتبهي يمكن الفرش بعد اخليه فتره بالشمس من كثر ما كان متحسس ما خليت شي ما سويته

منتجات جونسون ما ادري شو فيها وايد حسست عيالي

حطيت ماي زمزم في دبه وقريت الرقيه الشرعية ومن اسبحه أحط شوي بماي العادي واغسله واشربه شوي

الحمد الله بعد السنه يخف قبل كان يزيد خاصه الصيف والملابس كنت اشتري البدل كم بس تكون على مقاس الايد والريل فتره وبتعدي ان شاء الله

الله يحفظه

هي والله انها هم ويغمضونج وايد ماتعرفين شو تسويلهم >< مشكووورة فديتج ع المعلومات سجلتها كلها وبطبقها ان شاء الله

اتريا والله متى تخف ويرتاح وارتاح وياه .. وكريم الكورتيزون انا بعد ما استخدمه الا يوم احسبه خلاص متضايج واصل حده وجسمه وايد متهيج ..

الله يسهل يارب

بنتي فيها اكزيما من وهي صغيرة,عمرها حاليا سنتين و9 شهور, خفت الاكزيما جدااا لكن احسها تروح وترد

سرت اكثر من طبيب , الجواب كان واحد ,بنتك تتحسس من نوع معين من الطعام حاولي تكتشفي هالنوع ولا تعطينها اياه!!!

الأشياء الي فادتني:
1- ابتعدي تماما عن كل منتجات جونسون لان فيها عطور تهيج الجلد,وكذلك العطور بشكل عام
2-دااااااااااائما خلي البشرة رطبه ,لا تسمحي لها تكون جافه, هالجفاف يخلي الطفل يحك,استخدم الفازلين و الجليسرين دائما للترطيب
3-حاولت كل اسبوع امنع عن بنتي طعام معين وألاحظ الفرق بالبشرة , لقيت ان الاكزيما تزيد مع الخبز, وفعلا بعد فترة سمعت طبيب مختص عالتلفزيون يذكر اطعمه بتسبب اكزيما لو تناولها الطفل قبل العام وهي التاليه :

* القمح يحتوي على مادة الجلوتامين الصعبة الهضم في الأمعاء فيخرج الطعام من الأمعاء للدم وهو غير مهضوم جيدا فيسبب حساسية (خبز بسكويت شوفان سيريلاك يحتوي على قمح الخ)
* المكسرات"الى 3 سنوات"
* بياض البيض- حليب ومنتجات البقر -السمك وكل المؤكولات البحرية

4- التدفئة الزائدة خاصة بالليل تزيد الأكزيما,فقمت اخليها تنام بشرت,ويوم تنام ادهن رجولها بالفازلين حتى اتأكد ان طول الليل الكريم يرطب بشرتها
5-تجنبي يكون ماء الحمام حار كله يهيج الجلد

هذي النقاط الي ساعدتني والحمدلله كنت اصل بمراحل مع بنتي يطيح الدم من رجولها ,اما الآن الوضع احسسسسسسسسسن ومسيطر عليه
والله يعافيهم

نسيت اخبرك نقطتين بيتحسن ولدك عليهم ان شا الله, انا بجربهم حاليا
1- كريم زبدة الكاكا اشتريته امس من الجمعية وتلاقينه في بودي شوب وكارفور: تساعد زبدة الكاكاو على سرعة التئام الجروح وعلاج التهابات الجلد وحروق الشمس والإكزيما.
2- المياه الكبريتية : انصحك تزوري المبزة الخضراء في العين لرحلة جميلة لا تنسى , وتتسبحين وتسبحين ولدك , وتاخذين غرشة فاضية تعبينها مياه كبريتية تمسحين جسم ولدك فيها بعد الاستحمام
اقرئي في النت عن فوائد الاستحمام بالمياة الكبريتية بتحصلين العجب

مشكوورة ع النقاااط المفييدة فدييتج ،، حبيبتي الله يعافيهاا وان شااء الله تختفي عنها .. والصراحه خوفتيني هههههه بتستمر لين سنتين ما اتخيل احسني اعاني وايد يوم اشوفه يتحجج ومتضايج وجسمه كله محمر ومتهيج

انا كل اللي استخدمله اياه طبي ماركه سيتفايل بوصفه من الدكتور بدون روايح ولا شي ،، والاكل اصلا هو معذبني ما ياكل الا السيريلاك ،، بس دام القمح ممكن يكون السبب بوقفه .. ومرة عطيته دياي بعد وعقبها واايد تحسس منه ،، وبعدني ما اكتشفت شو بعد ممكن يتحسس منه بس بحط الاشيا اللي قلتي عنها فبالي وبلاحظ .. ومشكووووورة مرة ثانيه فديتج ..

هي نفسها فديتج بشكل عام ما تختلف عن الاكزيما العادية ،، سيتافيل استخدمه والله من قبل ما اعرف ان عنده اكزيما كانت باديه عنده الحبوب شوي ودكتور الاطفال وصفلي اياه ،، وعقبها بعد دكتور الجلديه قالي استمري عليه ،، وعطاني واحد ثاني بعد ريحته زيت زيتون حسيته فاد ولدي اكثر عن سيتافيل ..

امين يارب الله يشفيهم مساكين يغمضون والله