امس كان عندي موعد عند دكتورة نارميلا اكيد تعرفونها اهل رااك المهم انا حامل في الاسبوع الحادي عشر ولما فحصت علي بالسونار تمت تلف يمين ويسار وتمت تقريبا اكثر من 5 دقايق عقب جان تخوفني قلت لها دكتورة في مشكلة شي بالجنين جان تقول ؟؟؟؟
لا الحمد لله بس لازم اسوي لج فحص كامل للجنين تتاكد من سلامته والحمد لله الحمد لله انه كل شي اووكي وطبيعي الحمد لله بس قالت لي اشوف عند الرقبة حجمها شيو زااايد فحبيت اتاكد قلت لها شو يعني قالت لازم عمود الرقبة يكون 1ونص في هالشهر الثالث يعني وانتي جنينج حجم الرقبة 3 فاحتمال يكون منغوولي جان اقولها شووووووووووووووووووووووووووووووو
قالت ميبي يمكن منغولي بس انتي تعالي تاريخ 29/4 وبتاكد اكثر يعني لو صج شاكه انه منغولي ليش ماتقولي تعالي الاسبوع الياي او لي عقبه او ليش ماقالت لي سيري مستشفى حكومي تتاكدي اكثر خلتني والله لاليلي ليل ولا نهاري اليوم نهار فاتصلت لخواتي فديتهن ماقصرن واختي العوودة السنة لي طافت قالو لها نفس الكلام عنده حجم الرقبة زايد واحتمال منغولي بس قالت لها دكتورتها تعالي الاسبوع الياي بنتاكد اكثر
انا لي منقهرة منها ليش تشكك فيني ولاتقولي تعالي بنتاكد لج الاسبوع الياي يعني خلتني في دوامه واختي عقب راجعت عند دكتورة ثانية عسب تتاكد بتلفزيوم ملون والحمد لله الحمد لله الحمد لله انه ماطلع شي بولدها ويابته ماشالله عليه قمرررر
عقب قالت لي انتي كم عمرج قلت لها 25 يعني انا وين والطفل المنغولي وين
دخيلكم حد قالت له نفس الكلام او اي عياده ثانية قالولكم نفس الكلام وطلع مافي شي والله العظيم اني ضااااااااااااااااااااااااااااااااااااااااااااااااي جة نفسيا ابغي حد يطمني انا بسير اليوم العصر باذن الله هاي العيادة لي اختي سارتها لان تلفزيونها مطوور وملون وبتاكد اكثر لان المفروض تقولي تعالي نتاكد هب تخليني لحد ماادخل الرابع عقب شو الفاااايدة
والله اني ضااايجة طمنوني منو قالو لها وطلع مافيه شي للعلم انا في الاسبوع الحادي عشر وحملي ولله الحمد طبيعي جدا جدا جدا ومااعاني من اي شي ابدا والف حمد وشكر
انتظركم والله بفارغالصبر ولو بدعوة حلوة ولكم مثلها
يارب ارزقني جنينا معافى كامل الخلقة والخلقة دون زيادة ولانقصان يارب العالمين
بانتظار ردوووودكم فديتكم
ان شاء الله كل خير هدي بالج
روحي عياده ثانيه احسن لج
حبيبتي ريحي نفسج ولا تتضايجييين وكل اللي كاتبه الله بيصيير ..
ان شاء الله يكون سليم بس ريحي نفسج وارتاحي ولا تفكرين واايد بتتعبيين
و الله لا ينزلج دمعة على جنينج يااارب و يطمن قبلج
طبعا تروحين و تشيكين وتشوفين شو بيخبرونج بمستشفى ثاااني
لكن يا اختي مثل هالحالات ..طبعا تصدقي و ادعي ربج و توكلي عليه
اعرف وايد حريم يقوقون لهم ماشي اطراااف و مادري شو وفعلا يكون هالشي
بس سبحان الله كيف ربج يغير كل شي فجأة يعني مع الصدقة و الدعااااء
بس ليش انتي تقولين انا وين و المنغولي وين ؟؟؟؟
و ليش تخافين اذا دخلتي الرابع ؟؟؟
يعني لو الله رايد شي انتي بتغيرينه ؟؟؟؟
توكلي على الله ولا تفكرين وااااايد ..ربج كريم و كل الامور طيبة باذن الله
ولا قدر الله في شي فهذا قدر الله …
انا في بطني جنين و الحمد لله متوكلة على الله حتى ما يخبرون بشي مرااات وفالواقع تطلع امووور كثيرة و العكس صحيح