فديتكم بغيت اسامي فنادق فمسقط او شقق فندقية لان ان شالله اول الشهر ابا اسير مسقط وابا احجز من احين..والي تعرف الاسعار اتخبرني ..
ساعدوني فديتكم وجزاكم الله الف خير..
بس بعد ابا اعرف كيف صارت مسقط بعد الإعصار
كانت وايد حلوه من سنتين
بي الحين ماعرف
فيدونا يزاكم الله الف خير
شنغريلا …بلا كلام موقعه وااايد حلو
شنغاريلا بر الجصة وفيه 3 ثلاث فنادق الواحة ..والبندر …والحصن اللي اهوه 6 نجوم
أحسن شي الواحة للعايلات وطبعا تختلف الأسعار…أرخص الفنادق الواحة..
الفندق في قمة الروعة بس يمكن شوي بعيد عن وسط مسقط والتسوق…
The Chedi روووووووووعة هالفندق فعلا روعة
هالفندقين جداد والأسعار تبتدي من 150 ريال عماني وممكن توصل ل400 ريال
على حسب الغرفة اللي بتحجزينها…
فندق قصر البستان…وعلى حسب ماسمعت انه مغلق للصيانة
فندق الإنتركونتنانتال في القرم…
فندق غراند حياة في القرم….شوي قديم بس حلو وبالأخص اللوبي فيه مجسم حصان كبير يدور مع الوقت ….والغرف بعد مستواها زين
فندق كراون بلازا …في القرم يطل على البحر يقع على تله..بس مشكلته ان الغرف قديمة ورطبة…
الأسعار ارخص من الفنادق اللي ذكرتها قبل يمكن من 60 ريال ورايح
عندج السفير للشقق الفندقة في وسط منطقة التسوق …وأسعاره معقولة
وعندج أساس عمان للشقق الفندقية في القرم…ماعندي فكره عن أسعاره
موفقة حبيبتي وإن شاء الله بنات السلطنة يساعدوج اكثر
