خواتي انا مطلقه من ريلي من فتره _وعندي بنت منه وساكنه فالشقه حاليا _ وبسبب طلاقي من زوجي اهلي تخلوا عني _ وانا الحين مالي حد غير ربي _وااايد تعبانه محد يسال عني _ قلبي معورني ع بنتي ابوها مول مايسال عنها _ ع فكره انا كنت له زوجه ثانيه _ والحين ادور شغل قدمت فدبي وبوظبي والله يوفقني _ خواتي انا واايد اصيح وموب رايمه استوزعب انه ابو بنتي طلقني _ ما اعرف احبه لين الحين ولا شوه _ الي يسمعني من ربيعاتي يقوليلي انتي بعدج بعد كل الي سواه فيج _ خلاص انسي _ والله يا خواتي موب رايمه _ بين فتره وفتره اطرشله مسجات وصور بنته _ مااشي رده فعل منه ..
ينقل للقسم المناسب
هو طلقج خلاص
انسيه
يعني لا تعقيا عمرج عليه
وإذا يبا بنته يقدر يشوفها وخلاص
الله يعينج
بس نصيحة لا تعقين عمرج عليه
الواجب على طليقك ينفق عليك انتي وبنتك دامك ماتزوجتي بعدو واختي انسيه ولا ترسلين لو صور او مسجات حتى ما يقول انك رميتي نفسك عليك
خليه يكلم نفسو ويفهم غلطو ويوم يحن صدقيني هو الي بيتصل عليك
فكرة انك تشتغلين كثير حلوة اختي وحتنسيه بسرعة مع انشغالك دوري كثير وراسلي كدا مكان ويارب يوفقك حبيبتي