هذا اول موضوع لي هني ،، وقررت اكتب
من بعد ما ضاق بي الحال مع بنتي
الله يهديها عندها التهاب بكتيري و الدكتور وصف لها
مضاد حيوي اسمه ( زاكون ) وضروري تأخذه
بس للأسف كل ما تشرب ترجعه ومب عارفه شسوي وياها 
لذلك بحثت في النت وشفت انه الثوم يعتبر مضاد طبيعي
ف يعني حبيت اسأل في حد جرب يستخدم الثوم بديل للدواء ؟؟
انا اعطي عيالي في كل رضعة حليب شوية كركم مفور بالماي فترة مرضهم، الكركم ممتاز حق امراض الجهاز التنفسي وعن الحمى والالتهابات،، واعطيهم شوية شاي احمر ربع استكانة حق اللي عمرهم حول السنة ونص استكانة حق الاكبر عمر سنتين او اكثر الصبح مع الريوق عن البلغم ومايخليهم يرجعون يعني قبل الرضعة بنص ساعة الصبح ونفس الشي العصر بس فترة مرضهم
الحمدلله افتكوا من الادوية واجهزة البخار
الثوم ممكن تحطين فص مهروس مع الروب مرة في اليوم كفاية على الصغارية
عيالي مب كل مرة يتقبلون الثوم مع الروب
واهم شي تسكرين المكيف خص بالليل وقت النوم وتخلين الغرفة مفتوحة يدخل عليها البراد بطريقة غير مباشرة
اذا الدكتور سوالها فحص دم وعطاها المضاد الحيوي اللي يناسبها يفضل تعطينها عشان مايطول عليها المرض بس التزمي بفترة العلاج مايجوز تقطعين المضادات الحيوية قبل المدة اللي حددها لج الدكتور عشان البكتيريا مايكون عندها مناعة من الدوا وعقب مايفيد لازم دوا اقوى وهذا مب في مصلحة الصغيرونة
انت عيالي بنفسي اهتم فيهم وتحت رقابتي لو حسيت ان حالتهم جداً متدهورة وماقدر اسيطر على الوضع على طوووول المستشفى بس المرض العادي والشايع اعالجه بطريقة طبيعية ودكتورة عيالي مأيدتني في اللي اسويه معاهم
اذا عندهم حرارة كمادات ماي عادي (مب بارد ولا دافي) واذا الحرارة طولت اكثر من ربع ساعة وفوق 38 اعطيهم شراب ادول واذا استمرت الحرارة ما كرر جرعة الادول الا بعد 4 ساعات وفترة الحرارة كمادات ماي على الجبهة والرقبة واذا وايد مرتفعة اخليهم بس بفنايلهم والحفاظات واغسل راسهم بالماي وما انشفه،،
اذا اسهال موز وروب وعيش والدكتورة قالت لي بعد الكمون زين عن الاسهال
وفترة مرضهم اخفف عنهم العصاير ومرات رضعات الحليب واعطيهم شاي يانسون مع شوووووية كمون ماينحس بطعمه مع اليانسون مرتين باليوم تقريباً
ان شاء الله تستفيدين والخوات من تجربتي مع عيالي
الله يشفيها ويعافيها
اختي على حسب الحاله. فيه حالات ماتقدرين تجازفين وتقطعين المضاد
مثلا بنتي من يومين طاحت وتعورت فحلجها. والجرح عميق وسوالها التهاب وارتفعت حرارتها
وعطوني لها مضاد
فحالتها مستحيل اقطعه. الله يحفظها ويشفيها يارب
اذا الحاله كانت وياها التهاب وحمى لازم تاخذ المضاد. وعقب ماتخف. عطيها الي تبينه عشان مناعتها
اذا اترجع. خبري الدكتور. فيه دوا ضد الترجيع وفيه ابرة تكون بدل شراب المضاد. يعني فيه وايد حلول.
واذا تحسين بنتج مب محتاجه كل ها. عطيها كل الي حصلتيه للمناعه
يعني على حسب حاله بنتج
والله يشفيها يارب ويشفي كل مرضانا
ضروري ضروري تشوفين الدكتور عشان يحط في الفايل الماده اللي تتحسس منها بالتالي ما يوصفون لها هالنوع من الادويه
هالشي صار ويا بنتي يوم كانت صغيره وعلى طول حط استيكر احمر ع الفايل من برع وكتب عليه اسم الماده عسب اي دكتور في المستشفى يدخل له الفايل ينتبه لهالشي من البدايه