مساكم الله بالخير
شو اخباركم عساكم بخير
احنا ناوين نسافر الى ماليزيا ( انا وزوجي وعيالي ) بس انا متخوفة ومتردده وايد لان عيالي اصغار
( سنة ونص وسنتين و9 شهور ) موعارفة كيف بتصرف وخصوصا اني بسافر بدون الخادمة .
ابي استفيد من خبراتكم… شلون مع اللعيال بالطيارة وبالملاهي وبالسوق … والله اني خايفة اتعب معاهم وتروح السفرة علينا بس على سوالف العيال .
وجزاكم الله خير
عادي الغالية لا تشيلين هم وايد أنا جربت السفر ويا عيالي الثلاث قبل سنتين و كان عمرهم (6_4_1ونص)والحمدلله أنا وريلي سيطرنا على الوضع ..وبالنسبة في الطيارة الصغير شوية سوا ازعاج بسبت الحكرة بس عادي عقبها يركد
يعني ….بس أهم شي في السفرة تشلين وياج عربة للياهل وهذا أهم شي والله والباقي يهون.
وان شاء الله أكون أفدتج الغالية
بس حقهم سبع ساعات مو شويه
اكيد بيتمللون اما في السوق فهم واقفين حذالنا واحياناا نخليهم بالفندق بس لان ولدي الكبير عنره 7 سنوات والبنات راقدات بمامنين خاصه الفندق مامن
بس بحديقةالالعاب تلعوزنا لان كان في زحمه هاك اليوم فبنتي مشت ورا الزحمه وضاعت لكن الحمد الله حصلناها بسرعه وبعدها مول ما تفارق ايدي
انشاء الله تتهنين بسفرتج
ومنكم نستفيد
واتشجع وايد يوم اقرا ردود البنات
بس ريلي يتم يوسوس وايد ويتخوف ويخليني خايفه واحس انه السفره بتضيع بس مع تعب العيال
الله يساعدنا ويوفقنا
ما نبى نخلي عيالنا وفي نفس الوقت محتااااااااااااااااارين
عندي 4 عيال ما شاء الله والخامس في الطريق
وبنسافر بدون الخدامة فأحس أنا بتعب وياهم
بس اللي مصبرني وجود أبوهم معايه يسيطر على الوضع
ومن ألحين أعطيهم الولد والبنت الكبار دروس
لأنه عمارهم 6 و 5 سنين شوي يفهمون عليه
بس كنا مترددين وااااااايد قبل ما نحجز
والله يوفق الجميع في سفرته