الكرك .. حيّ الله النشميات @@@@@ للمطلقات

السلام عليكم ورحمة الله ..

هذا أول موضوع لي في المدونة ..

وبغيت فزعتكن يالنشميات ..

أنا بصرااحة أحب الـ [ كرك ] الإماراتي ..

وحبيت استفسر عن طريقته .. !

أتمنى ما تخيبون ظني يالغاليات

المقادير:

3 أكواب ماء
9 ملاعق حليب مجفف
فنجانين سكر
3 أكياس شاي ليبتون- طبعا ً تفتحون الأكياس عشان تطلعون الورق
1 حليب أبوقوس – أنا استعمل اللي فيه هيل عشان النكهة
ذرة هيل مطحون – بعد عشان النكهة – ممكن تحطون زنجبيل اذا كنتو تفضلونه بدال الهيل (اختياري)
ماء ورد قياس غطاة أو غطاتين – بعد حق النكهة و الريحة (اختياري)
—————————————————————————-

الطريقة:

– حطي القدر على النار
– صبي الماء
– ضيفي الحليب المجفف
– اخلطيه شوي حتى ما تصير كتل في الماء
– ضيفي باقي المقادير واحد ورا الثاني مع مع التحريك المستمر حتى يختلط كل شي بطريقة ممتازة و تضمنين عدم التصاق الحليب في قاع القدر…
– لا توقفين عن التحريك حتى يبدأ الخليط بالغليان
– صفي الخليط و صبيه في الدلة..

بالهنا و الشفا..

قدر ماء ولبتن واغليه شوي يستوي احمر غامج بعدين حطي بوقوس يفور شوي عقب تحطين ع نار خفيف عسب يستوي طعمه ونكهه حلوه عقب ترفعين ع نار تحطين ف دله
انااااااااا ي طريقتي كلهم يحبون جاي مالي

انا ما اعرف اسويه بس تصحيح المعلومه الكرك مب اماراتي هندي بس هو دارج عندنا وماتخلو طلع سياره بدونه يعدل المزاج

المشاركة الأصلية كتبت بواسطة غريبة زماني

صبآح / مسآء الخير خواتي ..

هذا أول موضوع لي في هــ القسم أو بالأحرى .. ف قسم الطبخ ..
و يايبة لكم طريقة عمل شاي كرك بالطريقة الهندية ..
طبعاً الطريقة .. ماخذتها من كتاب .. و طبقت الطريقة ..و الحمد لله عيبت العايلة الكريمة ..

المهم المقادير كالتالي :
8 أكواب ماي ..
6 ملاعق ورق شاي ..
4 علب من حليب رينبو " أبو قوس "
شوية هال مطحون ..
4 فناجين سكر ..

الطريقة كالتالي:

1. اول شيء تييبين قدر و تحطين فيه 8 اكواب ماي .. و تحطيه عالغاز عشان يغلي ..
2. من الصوب الثاني .. تييبين قدر ثاني و تحطين فيه 4 فناجين سكر .. و تخلينه يذوب …
هذي صورة السكر و هو بادي يذوب ..

و هذي الصورة للسكر لما ذاب ..
[IMG][/IMG]

تحطين 6 ملاعق من ورق الشاي عالسكر .. مثل ما ملاحظين فالصورة ..

[IMG]

[/IMG]

بعدين تخلطونهم مع بعض .. مثل اللي بالصورة ..
[IMG]

ف هالوقت الماي بيكون مغلي .. تييبون الماي و تصبونه على السكر و الورق الشاي .. بس انتبهوا انكم مبندين الغاز عالورق الشاي <<< حفاظاً على السلامة العامة .. خخخ..
و بكل حذر تصبون الماي على " الخليط " المكون من السكر و الورق الشاي .. <<< يا عيني عالتعبير .. للتأكيد .. شوفو الصورة .. ههه

[IMG][/IMG]

و هذي الصورة لما الماي انطبخ شوي عالورق و السكر ..
[IMG][/IMG]

.4و بعد ما يغلي الماي مع الخليط .. تحطون شوية هال .. انظري إلى الصورة ادنااه ..

[IMG][/IMG]

.و تخلونه كم دقيقة .. و تبدوا تحطون الرينبو ..
[IMG][/IMG]

و آآخر شيء تخلونه عالغاز شوي .. و تبندون عنه .. و تحطونه ف الدلة .. << عاد هذي ما يبيلها شي … ههه ..
* ملاحظة :- بتلاحظون الكمية وايد و الحليب 4 مرة وحدة .. لكن انا استعملت هذي المقادير للدلة اللي تكون سعتها 2 لتر ..

و هذا كوب حق أول رد ..

[IMG][/IMG]

و السموحة منكم خواتي ..
و تقبلوا فائق الاحترام و التقدير ..
أختكم :-

غريبـــــــــــــــ زماني ـــــــــــــــــــه ..

المشاركة الأصلية كتبت بواسطة أم خلود RAK

خواتي الغاليات….هي اول مشاركة لي في هذا القسم واتمنى اني افيدكم باذن الله…………صراحة انا من محبي شرب الكرك اتعلمت الطريقة من صديقتي عندهم طباخ هندي فنان فالكرك. خذت الطريقة.واصبحت صراحة مدمنة على شرب الكرك كل عصر ……..

وهذي الطريقة…

فنجان سكر للحرق
علبة حليب رمبو ضروري بالهيل الحجم العادي
ماء ساخن مقدار دلة الشاي
2ملعقة طعام شاء لبتون او رد ليبل بودرة تقدرين اتزيدين على حسب الرغبة
سكر حسب الرغبة للطعم اقل عن الفنجان في النهاية

الطريقة……. حمري السكر ثم اضيفي عليه الماء الساخن اتركيه يغلي شوي ثم اضيفي الشاي واتركيه يغلي اشوي ثم اضيفي الحليب بالهيل واتركيه يغلي ثم اضيفي السكر حسب الرغبة فالنهاية اشخلي الكرك في نفس الدلة..

وبالعافية ان شاء الله …….ودعواتكم الطيبة