مرحبا كروشات المستقبل….يارب يرزق الجميع اللي وده يحمل…بالحمل الصالح المعافي
من غير زياده ولا نقصان يارب
وان شاءالله الكل هنيه في هالقسم..يحس بإحساس الأمومه 
قول آآآآآآآآآآآمين كلكم…وانا وياكم دعولي 
حبيت افتح موضوع نتناقش فيه كلنا…عن العلاج في الخارج بحالات تأخر الحمل
يعني اللي متأخره فالحمال….وسافرت وتعالجت برع…ادش وتكتب لنا قصتها وتفيدنا
وتقولنا وين سافرت وشو كان العلاج
مثل هنيه ولأ احسن ولأ كيف
وااذا عندكم حد من الاهل سافر…بعد خبرونا…كلنا بنستفيد
او سمعتو عن دوله علاجها بخصوص الحمل وايد زين…خبرونا
سواء حملتو ولأ ما حملتو…الكل يكتب تجربته
سوري الموضوع مب مرتب والكلام مخربط…بس ان شاءالله المضمون..وصلكم..وفهمتو قصدي
الله يخليكم…ياليت الكل يشارك…حتى لو ترفعون الموضوع…طلبتكم لا تردوني…
الله يرزقني ويرزقكم من ذريته الصالحه …قولو آمين .
في بومباي
اعرف كم وحده من البنات سافرو هناك…وردن وعطول حملن
هاه منو بعد راحت الهند ..وصابت معاها..؟
انا اول مره كنت اسمع عن هالامور انها موجوده فالهند وان شاء الله ترجع وتحمل يااارب
بالنسبه لربيعتيه الروح بالروح تزوجت تقريبا لمدة 7 سنين يعني كنا بعدنا ايام اول ثنوي (ملهوفه ع العرس ) وهي حليلها عرست ياهل
المهم مايابت عيال خلال ذيج الفتره كلها وتعالجت وماخلت شي ماسوته يعني تقريبا كملت 8 سنين بلا امل وانطفت عندها شمعة الامل بالحمال …
بالاخير قررت تسافر برا و راحت بلجيكا مع ريلها وهالكلام صاير من سنه بس….
راحت بلجيكا وتعالجت عندهم ومعروف عن علاج بلجيكا بالعقم وتاخر الحمل
المهم طلبو منها انها تستمر اقامتها عندهم طوووووول فترة حملها لانه الحمل ضعيف
وظهرها مايتحمل اي حركه بالغلط… وفعلا تمت 9 شهور +3 شهور علاج للحمل( كملت سنه) هناك
الكل كان وده يشوفها بكروشتها
بس الله ماراد حد يشوفها وهي علشان ماتزعلهم وتخلي هالشي في خاطرهم صورت كل مراحل الحمل والعلاج
لين لحظة الولاده….. والحمدلله الحين عندها بنوته عمرها تقريبا 7 شهور….
وتقولي انها تجربه حلوه بس مريره بنفس الوقت …لانها حملت وهي بعيد عن اهلها وخواتها
بس الحمدلله ربج عوضها خير ….
وتقولي لو بغت تحمل مره ثانيه اكيد بتروح عندهم <<<<عجبتها السالفه الاخت 
خخخخ
وبث
بس حبيت ارفع موضوعج وادعي لج وللجميع بالذرية الصالحه
ربي لاتذرني فردا وانت خير الوارثين
وانا وريلي ان شالله يمكن نروح بس بنكمل علاجنا هنيه واذا الله ما رزقنا بنسافر
الله يرزق بنت عمتج يالذريه الصالحه…وترد البلاد وهي حامل يااااااااارب
لا تفقد الأمل….انا اعرف بنات راحو الهند ..تعالجو بفتره بسيطه…ورجعن…وحملن ع طول والله …ماشاءالله
والله يحفظ بنوتة ربيعتج…
وفعلا" انا بعد سمعت عن علاج بلجيكا واااايد زين…
ان شاءالله يارب كلنا نحمل قبل ما نسافر
بس لو ما حملت انا يمكن بعد 3 شهور …اسافر