التطعيم ضد سرطان عنق الرحم ( كافانا الله و إياكم شر الأمراض) للصحة

السلام عليكم

حريم منو منكم خذت هالتطعيم؟ و وين خذته أي عياده أو مستشفى في بو ظبي؟ وكم تكلفته؟

يا ريت الي عندها اي معلومه ما تبخل عليه لأني لازم آخذ هالتطعيم و ما أعرف وين اروح؟

ان شاء الله الخوات من بوظبي يفيدوونج فديتج ..

بس اول مرة اسمع عن هالتطعيم

أنا خذته,في عيادة نسائية خاصة بس في الفجيرة , هن ثلاث جرعات , الجرعة الأولى وبعدها في الشهر الثاني الجرعة الثانية وبعدها بست شهور الجرعة الثالثة . كل إبرة ب 500 درهم , يعني شامل 1500 درهم بس سعر التطعيم . طبعاً يجب عدم حدوث حمل طول هذه الفترة وبعد آخر جرعة بثلاث شهور , يعني من بعد التطعيم الأول لين 3 شهور بعد التطعيم الأخير . ما أعرف عن أبوظبي , بس أختي أتصلي بدكتورتج النسائية وسأليها وهي بتخبرج . أتمنى تكون المعلومات مفيدة لج. أتمنى كل النساء تاخذ هذا التطعيم .

خذته في عيادة خاصة في الشارقة بس في ابوظبي ببلاش

وبعد التطعيم الاول حملت وخفت وايد والحمد الله ربيت بالسلامة

الدكتورة نصحتني أخذه

ما عندي خلفية بها الموضوع ياريت اتفيدونا يعني هل لازم قبل الحمل ولا عادي بنهايتة وهل لازم تكون في عوراض عشان ناخذة او مجرد وقاية وين ناخذ الابرة والسموحة

مشكورات خواتي على تجاربكم والمعلومات

صراحه انا سألت دكتورتي هي بمستشفى دار الشفاء قالتلي الجرعه ب 670 استغربت لان اختي تاخذها بعجمان ب 450 لهالسبب قلت أسأللكم و أشوف

يا ريت الي خذتها فبو ظبي تفيدنا بالموضوع

وجزاكم الله خير

اختي الاسعار تختلف اكيد عيمان اسعارها اقل من بوظبي

بس ما ادري اللي تعرف مكان حكومي يعطون التطعيم تفيدنا