البثيثه بالتفصيل و الصور من مطبخي

نيي للمقادير





جيسه وحده تمر ( سح) منزع منها النواه (طبعا انتي اطلعينها ) هذي الصوره من النت اللي نحصله بالسوق أكبر عن جي بشوي يفضل خلاص لو ماشي عادي







نص كوب ماي اصغر سايز من أكواب المسافي 100 مل يعني 50 مل

5 أكواب طحين قياس كوب الجبن المتوسط محمرتنه ع تاوه وناخلتنه عادي أي نوع 1 ولا 2 يفضل 2 نفس مايسونه الأولين







سمن الدار (سمن الذوابه) سمن روحج تسوينه من الزبده تقريبا ربع غرشه الفيمتو


هذي طريقه قصص الله يذكرها بالخير بس حطي عليه كركم هي ذكرته بالصفحات اللي عقب

https://forum.uaewomen.net/showthread.php?t=311379

3 ملاعق مليانه هيل مطحون خشن






ملعقه سنوت مليانه







ملعقه زعفران







ماي ورد حسب ماتحبين


















الطريقة



بعد مانطلع النواه من السح نحطه بمله كبيره نحط عليها
الهيل
السنوت
الماي ورد
ماي نص كوب الصغير مال المسافي ولا العين
سمن الدار شويه غير الربع اللي بنحطه عقب



نتم نعجنها لين تتماسك عدل وتصير شرات الصوره الثانيه



























بعد ماخلصنا عجن السح نحطه ب صينيه كبيره ونييب الطحين اللي قليناه طبعا من دون زيت يعني حمسناه وننخله على السح

عقب نحط عليه السمن ربع الغرشه















و نتم نحركه لين نوصل لهاالنتيجه اطعميه اذا شفتي ناقص هيل ولا سنوت زيديه لأن في من السمن مافيه لا هيل ولا شي بس لون








عقب غرفناه بالحراره عشان اتم عدنا فتره عاد يتم لكم اسبوع ماتخرب


اذا حسيتها يبست حطي بالمايكرويف عشان تصير لينه لان الجو بارد و السمن يتجمد من البرد










هذا ديزاين عسب لو يونج ضيوف يكون أسهل يوم يأكلون وحطي عليه اي مكسرات تبينه


سمسم

لوز
كاجو
بندق

بالعافيه عليكم و علينا