بغيت اطلب منكم تساعدوني وتعطوني طريقه الفته
اختي اهم ما في الفتة الصالونه لازم تكون حلوة من الخاطر و تكون فيها خضار مقطع قطع كبيرة.
ومع خبز الرقاق تصير احلى فته ^_^
الي فيها دياي و باذنجان … وهالسوالف… اذا هاي …
هاي طريقتنا …
المقادير :
دجاج مقطع قطع صغيرة ( اتحمسينه ع النار ويا بصل وفلفل وملح وشويه سماق)
بطاط مقلي مقطع مربعات أو شرايح ( بس صفيه عدل من الزيت )
باذنجان مقطع قطع مربعة
زهره/قرنبيط مقطع قطع صغيرة
خبز مقطع قطع مربعه ( اتقصينه واتحطينه ف الفرن لين مايحمر واتظهرينه)
وأي نوع اتحبينه من الخضار … من كوسا …….الخ
والصلصه اتكون:
روب …
لبنة …
مايونيز …
بس يعتمد على الكمية وحجم البايركس الي بتحطينه فيه …
يعني لو البايركس يكفي لأربع اشخاص … اتكون الخلطة كالآتي :
2 روب
2 ملعقة لبنة ( تفضل انها ماتكون حامضة مثل بينار)
1 ملعقة مايونيز …
وممكن شوية جبن قلاص ..
خلطيهم ويا بعض …
ونفس طريقة البشاميل… صفي الخضار والدياي والخبز وعقب حطي شوي من الصلصة وعقب حطي الطبقة الثانية وعقب فوقها الخلطة ورشي فوقها سماق
وبالعافيه ^_^